Smartphone Restart: ఈ రోజుల్లో స్మార్ట్‌ఫోన్ అత్యంత ముఖ్యమైన విషయంగా మారింది. ప్రతీ విషయానికి ఫోన్‌పైనే ఆధారపడి జీవిస్తున్నాం. ఈ క్రమంలో వ్యక్తిగత, ఆర్థిక సమాచారాన్ని కోల్పోయే ప్రమాదం పెరుగుతుంది.
US నేషనల్ సెక్యూరిటీ ఏజెన్సీ (NSA) =నివేదిక మన ఫోన్‌లను, అందులోని డేటాను ఎలా సురక్షితంగా ఉంచుకోవచ్చో వివరించింది. హ్యాకర్లను నివారించేందుకు NSA నివేదిక కొన్ని సూచనలు జారీ చేసింది. వీటిని పాటించి, మన డేటాను చాలా జాగ్రత్తగా ఉంచుకోవచ్చు.
ఫోన్ రీస్టార్ట్ చేయాలి..
ఆండ్రాయిడ్, ఐఫోన్ వినియోగదారులు తమ స్మార్ట్‌ఫోన్‌లను కొన్ని రోజులకు ఒకసారి రీస్టార్ట్ చేయాలని US నేషనల్ సెక్యూరిటీ ఏజెన్సీ (NSA) నివేదిక పేర్కొంది. ఫోర్బ్స్ నివేదిక ప్రకారం, మాల్వేర్ అటాక్‌ల బారిన పడకుండా ఉండాలంటే ఎప్పటికప్పుడు స్మార్ట్‌ఫోన్‌ను రీస్టార్ట్ చేయాలని తెలిపింది. మాల్వేర్ ముప్పు నుంచి ఫోన్‌ను సురక్షితంగా ఉంచడంలో ఇది చాలా దోహదపడుతుందని పేర్కొంది.
ఫోన్‌ను సురక్షితంగా ఉంచేందుకు చిట్కాలు..
సాఫ్ట్‌వేర్‌ను అప్డేట్ చేయాలి: మీ ఫోన్ ఆపరేటింగ్ సిస్టమ్‌తో పాటు అన్ని యాప్‌లను అప్డేట్ చేస్తూ ఉండాలి. ఇవి హ్యాకర్ల నుంచి ఫోన్‌ను రక్షించడంలో సహాయపడతాయి. సాఫ్ట్‌వేర్ అప్‌డేట్‌లు తరచుగా సెక్యూరిటీ ప్యాచ్‌లను కలిగి ఉంటాయనే సంగతి తెలిసిందే.
పబ్లిక్ Wi-Fi నెట్‌వర్క్‌లతో జాగ్రత్త: పబ్లిక్ Wi-Fi నెట్‌వర్క్‌లను ఉపయోగిస్తున్నప్పుడు ఏదైనా వ్యక్తిగత సమాచారాన్ని షేర్ చేసుకోవచ్చు. మీరు తప్పనిసరిగా పబ్లిక్ Wi-Fi నెట్‌వర్క్‌ని ఉపయోగిస్తే, VPNని ఉపయోగించండి.
బ్లూటూత్‌ను ఆఫ్‌లో ఉంచండి: మీరు బ్లూటూత్‌ని ఉపయోగించనప్పుడు, దాన్ని ఆఫ్‌లో ఉంచండి. తద్వారా మీ ఫోన్‌కి ఇతర, తెలియని స్మార్ట్ యాక్ససరీస్ కనెక్ట్ అవ్వలేవు.
యాప్‌లను ఇన్‌స్టాల్ చేయడంలో జాగ్రత్త: Google Play Store లేదా Apple App Store వంటి అధికారిక యాప్ స్టోర్‌ల నుంచి మాత్రమే యాప్‌లను డౌన్‌లోడ్ చేసుకోండి. తెలియని మూలాల నుంచి యాప్‌లను ఇన్‌స్టాల్ చేయడం మానుకోండి. ఎందుకంటే అవి మాల్వేర్ బారిన పడే అవకాశం ఉంది.
బలమైన పాస్‌వర్డ్, పిన్ ఉపయోగించండి: మీ ఫోన్ కోసం స్ట్రాంగ్ పాస్‌వర్డ్, పిన్‌ని సెట్ చేయండి. మీ పాస్‌వర్డ్‌లను క్రమం తప్పకుండా మారుస్తూ ఉండండి. ఫేస్ లాక్ లేదా వేలిముద్ర వంటి ఫీచర్‌లను కూడా ఉపయోగించండి.
