subarnarekha river :
ఇప్పుడు మీకు చెప్పబోయే నది మాత్రం చాలా ప్రత్యేకం. ఈ నదిలో నీరు, చేపలు, ఇతర ఖనిజ సంపదతో పాటు.. ఎంతో అమూల్యమైన బంగారం కూడా లభిస్తుంది. పైగా ఈ గోల్డెన్‌ రివర్‌ ఉంది మన దేశంలోనే ఇంతకు ఈ నది ఎక్కడుంది అంటే..
మన దేశంలో ఓ నది గుండా టన్నులు కొద్దీ బంగారం ప్రవహిస్తోంది. మరి ఇంతకు ఈ నది ఎక్కడ ప్రవహిస్తోంది.. దానిలో బంగారం ఎలా లభిస్తుంది అంటే.. అదే జార్ఖండ్‌లోని సుబర్ణరేఖ నది. ఇది రాంచీ నుంచి పశ్చిమ బెంగాల్‌ గుండా ప్రవహిస్తోంది. దాదాపు 474 కిమీ పొడవున్న ఈ నదిలో టన్నుల కొద్దీ బంగారం దాగుంది.
ఆ ప్రాంతంలో నివసిస్తున్న స్థానికులకు ఇది తెలిసిన వార్తే. కానీ మిగిలిన వారికి మాత్రం షాకింగ్ విషయం. ఈ నదిలో నీటి ద్వారా కొట్టుకు వచ్చే బంగారు రేణువులను ఆ ప్రాంతంలో నివాసముంటున్న ప్రజలు వెలికితీసి.. వాటిని అమ్మి జీవనం కొనసాగిస్తుంటారు. ఈ సువర్ణరేఖ నదిలోని ఇసుక నుంచి బంగారు రేణువులను జల్లెడపడుతుంటారు. దాంతో ఈ నది పరిసర ప్రాంతాల్లో నిత్యం రద్దీగా ఉంటుంది. ఈ నదిలో బంగారం ఎక్కడ నుంచి వస్తోందన్నది ఇప్పటికీ ఎవ్వరికీ అంతుచిక్కని రహస్యమే.
అయితే దీని గురించి కొందరు ఈ నది నీళ్లు బంగారంతో కూడిన రాళ్ల మీదుగా ప్రవహిస్తోంది కాబట్టే.. బంగారు రేణువులు నదిలో లభిస్తున్నాయిని చెబుతున్నారు. కానీ ఇంతవరకూ దానికి సంబంధించి ఎలాంటి ఆధారాలు లభించలేదు. దాంతో ఈ నదిలో బంగారం ఎక్కడి నుంచి వస్తుంది అనేది రహస్యంగానే మిగిలింది. దీన్ని చేధించేందుకు 2012లో కేంద్ర ప్రభుత్వం రెండు వేర్వేరు సంస్థలకు బాధ్యతలను అప్పగించింది. కానీ అవి ఈ నదిలో బంగారం ఆనవాళ్ల గురించి ఎలాంటి సమాచారం కనుగొనలేకపోయాయి. కాగా, వర్షాకాలం తప్పితే.. మిగిలిన అన్ని కాలాల్లోనూ ఈ ప్రాంతం ప్రజలు నదిలోని ఇసుకను జల్లెడపట్టి బంగారాన్ని వెలికితీస్తారు. వారికి దొరికే బంగారం బియ్యం, ధ్యానం కంటే చిన్నగా ఉంటుంది. అలాగే ఈ ప్రాంతంపై కేంద్రం, రాష్ట్ర ప్రభుత్వం పలు ఆంక్షలు విధించినా.. ప్రజలు వాటిని పట్టించుకోవట్లేదు. ఇక్కడకు భారీగా తరలి వచ్చి.. బంగారం కోసం గాలిస్తుంటారు.
