హోండా యాక్టివా ఎలక్ట్రిక్ స్కూటర్ వర్సెస్ టీవీఎస్ ఐక్యూబ్ వర్సెస్ బజాజ్ చేతక్ ఈవీ.. రేంజ్ పరంగా ఈ 3 బెస్ట్ వెహికిల్స్లో ఏది బెటర్? ఏది కొనొచ్చు? పూర్తి వివరాలను ఇక్కడ చూసేయండి..
హోండా యాక్టివా ఈవీ లాంచ్తో దేశంలో మిడిల్ క్లాస్ వారికి ఎలక్ట్రిక్ స్కూటర్ల ఆప్షన్లు పెరిగాయి. ‘హోండా యాక్టివా ఈ’గా పిలుస్తున్న ఈ వెహికిల్ ఒక ఫ్యామిలీ ఎలక్ట్రిక్ స్కూటర్! ఇది 2025 నాటికి అమ్మకానికి వస్తుంది. ఈ యాక్టివా ఈవీ.. ఇండియాన్ ఆటోమొబైల్ మార్కెట్లోని ఎలక్ట్రిక్ స్కూటర్ల సెగ్మెంట్లో ఇప్పటికే మంచి డిమాండ్ ఉన్న టీవీఎస్ ఐక్యూబ్, బజాజ్ చేతక్ వంటి వాటికి గట్టి పోటీ ఇస్తుందని అంచనాలు ఉన్నాయి. ఈ నేపథ్యంలో ఈ రెండింటినీ పోల్చి, రేంజ్తో పాటు ఇతర కీలక వివరాలను ఇక్కడ తెలుసుకుందాము..
హోండా యాక్టివా వర్సెస్ టీవీఎస్ ఐక్యూబ్..
హోండా యాక్టివా ఎలక్ట్రిక్ పోటీదారు టీవీఎస్ ఐక్యూబ్ ఎలక్ట్రిక్ స్కూటర్ పోర్ట్ఫోలియోను మూడు కొత్త వేరియంట్లతో ఇటీవలే విస్తరించారు. 2.2 కిలోవాట్ల బ్యాటరీ ప్యాక్ ధర రూ.94,999గా ఉంది. 3.4 కిలోవాట్ల యూనిట్, 5.1 కిలోవాట్ల యూనిట్ అనే రెండు బ్యాటరీ ప్యాక్ ఆప్షన్లతో ఐక్యూబ్ ఎస్టీని అందిస్తున్నారు.
టీవీఎస్ ఐక్యూబ్ ఎస్టీ 3.4 కిలోవాట్ల వేరియంట్ 100 కిలోమీటర్ల రియల్టైమ్ రేంజ్ని అందిస్తోంది. రెండు గంటల 50 నిమిషాల్లో 0-80 శాతం ఛార్జింగ్ సమయం ఉంటుంది! మరోవైపు, 5.1 కిలోవాట్ల వేరియంట్ దాని సెగ్మెంట్లోనే అతిపెద్ద బ్యాటరీ ప్యాక్ని కలిగి ఉంది. ఇది ఒక్కసారి ఛార్జ్ చేస్తే 150 కిలోమీటర్ల పరిధిని ఇస్తుంది. 5.1 కిలోవాట్ల బ్యాటరీని 0-80 శాతం నుంచి ఛార్జ్ చేయడానికి నాలుగు గంటల 18 నిమిషాలు పడుతుంది.
5.1 కిలోవాట్ సామర్థ్యం కలిగిన టీవీఎస్ ఐక్యూబ్ ఎస్టీని ఒక్కసారి ఛార్జ్ చేస్తే 150 కిలోమీటర్ల రేంజ్ని అందిస్తుండగా, హోండా యాక్టివా ఈవీతో పోల్చదగిన 3.4 కిలోవాట్ల వేరియంట్ 100 కిలోమీటర్ల రేంజ్తో వస్తుంది. ఇది హోండా ఎలక్ట్రిక్ స్కూటర్ అందించే దానికంటే 2 కిలోమీటర్లు తక్కువ!
హోండా యాక్టివా వర్సెస్ బజాజ్ చేతక్ 3202..
చేతక్ 3202 ఎలక్ట్రిక్ స్కూటర్ 4.2 కిలోవాట్ పీఎమ్ఎస్ మోటార్ను కలిగి ఉంది. ఇది 5.36 బీహెచ్పీ పవర్, 16 ఎన్ఎమ్ టార్క్ని ఉత్పత్తి చేస్తుంది. బ్యాటరీ ప్యాక్ 3.2 కిలోవాట్ల లిథియం-అయాన్, ఇది ఎకో మోడ్లో 137 కిలోమీటర్ల వరకు రేంజ్ని ఇస్తుంది. స్టాండర్డ్ వేరియంట్ స్కూటర్ టాప్ స్పీడ్ గంటకు 63 కిలోమీటర్లు కాగా, టెక్ ప్యాక్ గరిష్ట వేగం గంటకు 73 కిలోమీటర్లు. 3 గంటల 35 నిమిషాల్లో బ్యాటరీ 0-80 శాతం ఛార్జ్ అవుతుంది.
చేతక్ ఈవీ హోండా యాక్టివా ఈవీ కంటే పెద్ద బ్యాటరీని పొందుతుంది. ఇది చేతక్కు ఎక్కువ రైడింగ్ రేంజ్ను ఇస్తుంది. అయితే, యాక్టివా ఈ 8 బీహెచ్పీ పవర్ని జనరేట్ చేస్తుంది. చేతక్ 5.6 బీహెచ్పీని ఉత్పత్తి చేస్తుంది.
యాక్టివా ఈవీ రెండు స్వాపబుల్ బ్యాటరీలను కలిగి ఉంది. ఒక్కొక్కటి 1.5 కిలోవాట్ల సామర్థ్యాన్ని కలిగి ఉంటాయి. ఇది పూర్తి ఛార్జ్ చేస్తే మొత్తం 102 కిలోమీటర్ల పరిధిని అందిస్తుంది.
