Safety Smartwatch : స్వదేశీ బ్రాండ్ బోట్ పిల్లల కోసం ప్రత్యేక బోట్ వాండరర్ వాచ్‌ను విడుదల చేసింది. మీరు కూడా మీ పిల్లల భద్రత గురించి ఆందోళన చెందుతుంటే ఈ వాచ్ మీకు ఉత్తమ ఎంపిక. ఈ స్మార్ట్ వాచ్‌తో మీ పిల్లలు ఎక్కడున్నారో తెలుసుకోవచ్చు.
పిల్లల కోసం ప్రత్యేక స్మార్ట్ వాచ్‌ను బోట్ లాంచ్ చేసింది. మీరు కూడా మీ పిల్లల భద్రత గురించి ఆందోళన చెందుతుంటే, ఈ గడియారం మీకు బెస్ట్ ఆప్షన్ అని చెప్పవచ్చు. పిల్లల కోసం ప్రత్యేకంగా రూపొందించిన బోట్ వాండర్ 4జీ స్మార్ట్ వాచ్ ను కంపెనీ విడుదల చేసింది. ఈ స్మార్ట్ వాచ్ 4జీ, వై-ఫై కనెక్టివిటీతో వస్తుంది. పిల్లలపై నిఘా ఉంచడానికి సహాయపడే బిల్ట్-ఇన్ జీపీఎస్‌ను కలిగి ఉంది. ఎప్పుడు కావాలంటే అప్పుడు మీ పిల్లలు ఎక్కడున్నారో తెలుసుకుని వీడియో కాల్ చేసి చూడొచ్చు. దీని ధర, ఫీచర్ల గురించి వివరంగా తెలుసుకుందాం…
2ఎంపీ కెమెరా
ఈ స్మార్ట్‌వాచ్ 1.4 అంగుళాల హెచ్డీ టచ్ డిస్‌ప్లే, స్ట్రాంగ్ బిల్డ్‌తో వస్తుంది. దుమ్ము, నీటి నుంచి సమస్యలు ఎదుర్కోదు. ఐపీ 68 రేటింగ్ ఉన్నందున వాచ్ పూర్తి వాటర్ ప్రూఫ్ గా ఉంటుంది. వాచ్ స్క్రీన్ పైభాగంలో 2 మెగాపిక్సెల్ కెమెరా ఉంది, ఇది టూ-వే వీడియో కాలింగ్, వాయిస్ కాలింగ్ కోసం ఉపయోగించవచ్చు.
అనేక ఫీచర్లు
రియల్ టైమ్ లొకేషన్ ట్రాకింగ్, ఫైండ్ మై వాచ్, క్లాక్, అలారం, టైమర్, ఎస్ఓఎస్ అలర్ట్, జియో-ఫెన్సింగ్, పేరెంటల్ కంట్రోల్, స్టెప్ ట్రాకింగ్, మరెన్నో ఈ స్మార్ట్‌వాచ్‌లో ప్రత్యేక ఫీచర్లు ఉన్నాయి. ఈ వాచ్‌లో 650 ఎంఏహెచ్ బ్యాటరీ ఉంది, ఇది 2 రోజుల వరకు ఫుల్ ఛార్జ్ అవుతుందని కంపెనీ పేర్కొంది. అయినప్పటికీ 4జీ, జీపీఎస్ వాడకం కారణంగా బ్యాటరీ జీవితకాలం తగ్గవచ్చు.
ధర వివరాలు
బోట్ వాండర్ కిడ్స్ స్మార్ట్ వాచ్ క్యాండీ పింక్, సన్ షైన్ ఎల్లో, స్కై బ్లూ వంటి కలర్ ఆప్షన్లలో లభిస్తుంది. రూ.4999 ప్రత్యేక ప్రారంభ ధరతో అమెజాన్‌లో ప్రీ-ఆర్డర్‌కు అందుబాటులో ఉంది.
