ఈ కారుకు జనాలు బ్రహ్మరథం పడుతున్నారు.. షోరూమ్ ముందు బారులు.. ఆటో ఇండస్ట్రీ షాక్

తాజాగా విడుదలైన సేల్స్ రిపోర్ట్ ప్రకారం, హైరైడర్ డిమాండ్ ఎంత వేగంగా పెరుగుతోందో స్పష్టమవుతోంది. 2025 ఆగస్టు నెలలోనే టయోటా ఈ SUVని 9,854 యూనిట్ల డెలివరీలు చేసింది. గత ఏడాది ఇదే కాలంలో అంటే 2024 ఆగస్టులో కేవలం 4,385 యూనిట్లు మాత్రమే అమ్ముడవ్వగా, ఈసారి రికార్డు స్థాయిలో అమ్మకాలు నమోదయ్యాయి. అంటే, కేవలం ఒక సంవత్సరంలోనే అమ్మకాల వృద్ధి 124.52 శాతం వరకు పెరిగిందని అర్థం.

ఈ భారీ వృద్ధి టయోటా బ్రాండ్ పట్ల కస్టమర్ల నమ్మకాన్ని మాత్రమే కాకుండా, హైరైడర్ మోడల్‌కి ఉన్న పెరుగుతున్న డిమాండ్‌ను కూడా తెలియజేస్తుంది. ఇంతటి పెరుగుదల వెనుక ప్రధాన కారణం టయోటా అందిస్తున్న ఫీచర్లు, కస్టమర్ల అవసరాలకు అనుగుణంగా ఇచ్చిన వేరియంట్లే. ప్రీమియం ఇంటీరియర్, అద్భుతమైన మైలేజ్, హైబ్రిడ్ ఆప్షన్, సేఫ్టీ ఫీచర్లు దీనిని ఫ్యామిలీ కారుగా, అలాగే యువతకు కూడా సరైన SUVగా మార్చాయి.

కొత్త టయోటా అర్బన్ క్రూయిజర్ హైరైడర్ SUV మార్కెట్లోకి వచ్చిన తర్వాత నుండి కస్టమర్లను బాగా ఆకట్టుకుంటోంది. అమ్మకాల పరంగా కూడా ఈ కారు రికార్డులు తిరగరాస్తోంది. దీనికి పలు కారణాలు ఉన్నాయి. ముఖ్యంగా, ఇందులోని హైబ్రిడ్ టెక్నాలజీనే దీని ప్రధాన ఆకర్షణగా మారింది. పెట్రోల్, ఎలక్ట్రిక్ మోటార్ కలిపి ఇచ్చే ఇంజిన్‌ వల్ల ఇది మైలేజ్ పరంగా అత్యుత్తమంగా ఉండడమే కాకుండా, డ్రైవింగ్ అనుభవాన్ని మరింత సాఫీగా చేస్తుంది.

హైరైడర్ SUVలో టయోటా ఫోకస్ చేసిన మరో అంశం ఫీచర్ల పరంగా విస్తృత ఎంపికలను అందించడం. డిజిటల్ ఇన్‌స్ట్రుమెంట్ క్లస్టర్, పెద్ద ఇన్ఫోటైన్‌మెంట్ సిస్టమ్, కనెక్టెడ్ కార్ టెక్నాలజీ, పనోరమిక్ సన్‌రూఫ్, అధునాతన సేఫ్టీ ఫీచర్లు ఇవి వినియోగదారుల మనసు దోచేస్తున్నాయి. అదే సమయంలో, స్పోర్టీ డిజైన్, కంఫర్ట్‌బుల్ కేబిన్, హై గ్రౌండ్ క్లియరెన్స్ కారణంగా ఇది ఫ్యామిలీ యూజ్‌కి కూడా సరిపోతుంది, లాంగ్ డ్రైవ్స్‌కి కూడా బెస్ట్‌గా నిలుస్తోంది.

అంతేకాదు, పెట్రోల్ ధరలు పెరుగుతున్న ఈ రోజుల్లో హైబ్రిడ్ వేరియంట్ ఇంధన ఖర్చులను తగ్గించడంలో సహకరించడం కూడా కస్టమర్లను ఆకర్షిస్తోంది. టయోటా బ్రాండ్ నమ్మకాన్ని, ఆఫ్టర్ సేల్స్ సర్వీస్‌ను కలిపి చూసుకుంటే, హైరైడర్ SUV కస్టమర్లకు ఒక పర్ఫెక్ట్ ప్యాకేజ్‌గా కనిపిస్తోంది. మరింతగా చెప్పాలంటే, పర్యావరణహితమైన టెక్నాలజీతో పాటు లగ్జరీ అనుభవం కలగలిపి ఇచ్చే మోడల్ కావడం వల్లే హైరైడర్ SUV మార్కెట్లో తన ప్రత్యేక స్థానాన్ని సంపాదించింది.

టయోటా అర్బన్ క్రూయిజర్ హైరైడర్ ప్రస్తుతం ధరలు రూ.11.34 లక్షల నుండి రూ.20.19 లక్షల(ఎక్స్-షోరూమ్) వరకు ఉన్నాయి. కానీ కస్టమర్లకు ఇప్పుడు ఒక మంచి వార్త ఎదురవుతోంది. కేంద్ర ప్రభుత్వం ఇటీవలే కార్లపై ఉన్న GST రేటును 28% నుండి 18%కి తగ్గించింది. ఈ సవరించిన పన్ను రేట్లు సెప్టెంబర్ 22 నుండి అమల్లోకి వస్తాయి. అంటే ఆ తర్వాత హైరైడర్ ధరలు గణనీయంగా తగ్గి మరింత అందుబాటులోకి రానున్నాయి.

హైరైడర్ కొత్త వెర్షన్ విషయానికొస్తే, టయోటా దీనికి మరింత శక్తివంతమైన పవర్‌ట్రెయిన్‌ను అందిస్తోంది. ఇందులో 1.5-లీటర్ హైబ్రిడ్ (పెట్రోల్+ఎలక్ట్రిక్) ఇంజిన్‌తో పాటు CNG ఆప్షన్ కూడా లభిస్తోంది. ఇది వేరియంట్‌ను బట్టి 5-స్పీడ్ మాన్యువల్, 6-స్పీడ్ ఆటోమేటిక్, అలాగే e-CVT గేర్‌బాక్స్ ఆప్షన్లతో వస్తోంది. పనితీరులోనూ, ఫ్యూయల్ ఎఫిషెన్సీలోనూ ఇది ఒక అగ్రగామి SUVగా నిలుస్తోంది.

మైలేజీ పరంగా చూస్తే, హైరైడర్ వేరియంట్లను బట్టి 19 kmpl నుండి 27.97 kmpl వరకు మైలేజ్ ను అందిస్తోంది. దీని 45-లీటర్ ఫ్యూయల్ ట్యాంక్ లాంగ్ డ్రైవ్స్ కోసం ప్రత్యేకంగా ఉపయోగకరంగా ఉంటుంది. అంటే, ఒకసారి ఫుల్ ట్యాంక్ చేస్తే ఫ్యామిలీతో కలిసి దూర ప్రయాణాల్లో కూడా ఫ్యూయల్ టెన్షన్ లేకుండా సౌకర్యంగా ప్రయాణించవచ్చు.