మార్నింగ్ వాకింగ్ ఆరోగ్యానికి మంచిదన్న సంగతి అందరికీ తెలిసిన విషయమే. ఆరోగ్యాన్ని కాపాడుకోవడానికి చాలా మంది ఉదయం లేదా సాయంత్రం వాకింగ్ చేస్తుంటారు.
ఇది శరీరానికి అనేక ప్రయోజనాలను అందించే వ్యాయామం. కానీ మీరెప్పుడైనా వెనుకకు నడవడానికి ప్రయత్నించారా? కొంతమందికి ఇది వ్యాయామమా కాదా అని అయోమయం కూడా కలుగుతుంది. మరికొందరు ఇది సరదా కోసం చేసే వ్యాయామం అని అనుకుంటారు. కానీ ఇలా రివర్స్ వాకింగ్ చేయడం ఇటీవల కాలంలో చాలా ప్రసిద్ధి చెందింది. దీనివల్ల అనేక ఆరోగ్య ప్రయోజనాలు ఉండటమే అందుకు కారణం. రివర్స్ వాకింగ్ ఆరోగ్యానికి ఎలా ప్రయోజనకరంగా ఉంటుందో ఇక్కడ తెలుసుకుందాం..
నిజానికి, రివర్స్ వాకింగ్ వల్ల అనేక ఆరోగ్య ప్రయోజనాలు ఉన్నాయి. ఈ వ్యాయామం శారీరక, మానసిక ఆరోగ్యంపై సానుకూల ప్రభావాన్ని చూపుతుందని నిపుణులు కూడా చెబుతున్నారు.
కండరాలకు బలం
సాధారణ నడకతో పోలిస్తే, రివర్స్ వాకింగ్ కండరాలను చురుగ్గా ఉంచడంలో సహాయపడుతుంది. అంతే కాదు, ఈ వ్యాయామం అథ్లెట్లు, ఫిట్నెస్ ఔత్సాహికులకు కూడా చాలా ప్రయోజనకరంగా ఉంటుంది.
ఏకాగ్రత
ఈ రివర్స్ వాకింగ్ విద్యార్థులకు చాలా ప్రయోజనకరంగా ఉంటుంది. ఎందుకంటే ఈ వ్యాయామం ఏకాగ్రతను పెంచుతుంది. వెనుకకు నడవడానికి ఎక్కువ శ్రద్ధ అవసరం. కాబట్టి దీనికి ఇవ్వబడిన ఏకాగ్రత పడిపోయే భయాన్ని తగ్గిస్తుంది. అంతే కాదు ఇది మానసికంగా బలంగా కూడా మారుస్తుంది.
గుండె ఆరోగ్యానికి బలం
ముందుకు నడవడం కంటే వెనుకకు నడవడం వల్ల హృదయ స్పందన రేటు పెరుగుతుందని అధ్యయనాలు చెబుతున్నాయి. ఈ వ్యాయామం గుండె ఆరోగ్యాన్ని మెరుగుపరచడమే కాకుండా కేలరీలను వేగంగా బర్న్ చేయడం ద్వారా బరువును నియంత్రించడంలో సహాయపడుతుంది.
