వరుస విమాన ప్రమాదాలు ప్రపంచాన్ని కుదిపేస్తున్నాయి. తాజాగా, అమెరికాలోని కెంటకీ రాష్ట్రంలోని లూయిస్విల్లే ముహమ్మద్ అలీ అంతర్జాతీయ విమానాశ్రయం నుంచి అక్కడి కాలమానం ప్రకారం ఇవాళ సాయంత్రం బయలుదేరిన యూపీఎస్ ఫ్లైట్ 2976 మెక్డొనెల్ డగ్లస్ MD-11F కార్గో విమానం టేకాఫ్లోనే కూలిపోయి భారీ పేలుడుకు గురైంది.
హవాయి రాష్ట్రంలోని హొనోలులు డేనియల్ కె. ఇనౌయే అంతర్జాతీయ విమానాశ్రయానికి వెళ్తున్న ఆ ఫ్లైట్లో మొత్తం ముగ్గురు సిబ్బంది ఉన్నారు. అందులో దాదాపు 280,000 పౌండ్ల (సుమారు 42,000 గ్యాలన్లు) జెట్ ఇంధనం ఉండటంతో పేలుడు తీవ్రత పెరిగింది. ఈ దుర్ఘటనలో కనీసం ముగ్గురు మరణించగా, 11 మంది తీవ్రంగా గాయపడ్డారు. ఈ మేరకు రెస్క్యూ టీమ్ ఘటనా స్థలానికి చేరుకుని విమాన శకలాలను తొలగిస్తున్నారు. అయితే, మరణాల సంఖ్య మరింత పెరిగే అవకాశం ఉందని కెంటకీ గవర్నర్ ఆండీ బెషియర్ తెలిపారు.
