భూమ్మీద కోల్డెస్ట్ రైలు ప్రయాణాలు, విండో ఓపెన్ చేస్తే గడ్డకట్టుకుపోతారండోయ్

జమ్మూకాశ్మర్ లో ప్రతి శీతాకాలం ప్రయాణీకులు ఈ అనుభూతిని పొందుతూనే ఉంటారు. అయితే, ట్రాన్స్ సైబీరియన్, ఆర్కిటిక్ సైబీరియాలోని రైళ్లు ప్రపంచంలోనే అత్యంత కొల్డెస్ట్ రైలు ప్రయాణాలుగా గుర్తింపు తెచ్చుకున్నాయి. ఈ రైళ్లు ఏకంగా -50°C నుంచి -62°C చల్లదనంలో ప్రయాణిస్తాయి. ప్రత్యేక హీటర్ల సాయంతో ప్రయాణీకులు సురక్షితంగా ప్రయాణం చేస్తారు. ఈ చల్లని ప్రయాణాలు ఒక ప్రత్యేకమైన ప్రయాణ సాహసాన్ని అందిస్తాయి.

⦿ ట్రాన్స్-సైబీరియన్ రైల్వే ప్రయాణం

ట్రాన్స్-సైబీరియన్ రైల్వే ఉష్ణోగ్రతలు -62°C ఉండే ప్రాంతాల గుండా వెళుతుంది. ముఖ్యంగా మొగోచా- స్కోవోరోడినో స్టేషన్ల మధ్య చలి అత్యంత తీవ్రంగా ఉంటుంది. ఇది భూమిపై అత్యంత శీతల రైలు మార్గంగా గుర్తింపు తెచ్చుకుంది. ప్రపంచంలోని అత్యంత శీతల నగరమైన యాకుట్స్క్‌కు వెళ్లే రైలు శీతాకాలంలో -50°C కంటే తక్కువ ఉష్ణోగ్రతలో నుంచి దూసుకెళ్లాల్సి ఉంటుంది. ప్రత్యేక తాపన విధానం ప్రయాణీకులను వెచ్చగా ఉంచుతుంది. ఇక్కడ రైళ్లు ఘనీభవించిన మంచు ట్రాకుల మీద నడుస్తాయి.

⦿ రష్యా ఆర్కిటిక్ సర్కిల్ రైల్వే

ముర్మాన్స్క్‌ కు ప్రయాణించే రైళ్లు నెలల తరబడి శీతల పరిస్థితులతో ఆర్కిటిక్ సర్కిల్‌ లో ప్రయాణిస్తాయి. ఈ మార్గాలు తరచుగా మంచుతో కప్పబడి ఉంటాయి. ఆపరేషన్స్ ను కాస్త జాగ్రత్తగా కొనసాగిస్తారు.

⦿ తాపన, భద్రతా చర్యలు

ముంచు ప్రయాణాల్లో ప్రయాణీకులు ఇబ్బందులు పడకుండా ఉండేందుకు ట్రాక్‌లు, రైళ్లు కీలకమైన ప్రదేశాలలో తాపన వ్యవస్థలతో అమర్చబడి ఉంటాయి. GPS పర్యవేక్షణ, అల్ట్రాసోనిక్ టెస్ట్ గడ్డకట్టే వాతావరణంలో ప్రమాదాలను ముందుగానే గుర్తించడంలో, వాటిని ఎదుర్కొని ముందుకు సాగడంలో సాయపడుతాయి.

⦿ శాశ్వత మంచుతో సవాళ్లు

నిజానికి శాశ్వత మంచు ప్రదేశాల్లో రైల్వేలను నిర్మించడం, మెయింటెనెన్స్ చేయడం చాలా కష్టమైన పని. పట్టాలకు ఉండే తాపన వ్యవస్థ కారణంగా ఇతర సమస్యలు కలుగుతాయి. ఈ నేపథ్యంలో చల్లని ప్రాంతాలలో ట్రాక్ స్థిరత్వాన్ని నిర్ధారించడానికి ఇంజనీర్లు ప్రత్యేక పదార్థాలు, డిజైన్లను ఉపయోగిస్తారు.

⦿ తీవ్రమైన చలిలో ప్రయాణీకుల అనుభవం

ప్రయాణీకులు ఇలాంటి వాతావరణ పరిస్థితులలో వెళ్లే సమయంలో ఇబ్బంది పడతారు. కానీ, రైళ్లలో తాపన వ్యవస్థలు కోచ్ లను వేడిగా ఉంచుతాయి. తీవ్రమైన శీతాకాల వాతావరణంలో కూడా, రైల్వేలు ప్రయాణాలను సురక్షితంగా, సౌకర్యవంతంగా ఉంచడానికి ప్రయత్నిస్తాయి.

⦿ మంచుకొండల్లో రైలు ప్రయాణాల అందం

అత్యంత కష్టమైన శీతల పరిస్థితులు ఉన్నప్పటికీ, ఈ చల్లని మార్గాలు మంచుతో నిండి ఎంతో అందంగా కనిపిస్తాయి. ఎటు చూసినా మంచు అందాలు, మంచులో ఉండే జంతువులు ఆకట్టుకుంటాయి. ఇటువంటి ప్రయాణాలు జీవితంలోమరుపురాని అనభూతులను అందిస్తాయి