ముప్పై నాలుగు సంవత్సరాల క్రితం జరిగిన నేరానికి కోర్టు తాజాగా సంచలన ఆదేశాలు జారీ చేసింది. నిందితుడిని అరెస్టు చేసి కోర్టు ముందు హాజరుపరచాలని డైరెక్టర్ జనరల్ ఆఫ్ పోలీస్ (DGP)ని ఆదేశించారు.
బీహార్‌లోని సహర్సా రైల్వే స్టేషన్‌లో కూరగాయలు తీసుకెళ్తున్న మహిళ నుంచి రూ. 20 లంచం తీసుకున్నారని ఆరోపిస్తూ, మాజీ కానిస్టేబుల్‌ను అరెస్టు చేయాలని కోర్టు ఆదేశించడంతో 34 ఏళ్ల నాటి లంచం కేసు తిరిగి తెరపైకి వచ్చింది.
ఈ సంఘటన మే 6, 1990 నాటిది. బరాహియాకు చెందిన సురేష్ ప్రసాద్ సింగ్ అనే కానిస్టేబుల్ సహర్సా రైల్వే స్టేషన్‌లో విధులు నిర్వహిస్తున్నాడు. స్టేషన్ ప్లాట్‌ఫారమ్‌పై కూరగాయల మూటను తీసుకువెళుతుండగా మహేశ్‌ఖుంట్‌లో నివాసం ఉంటున్న సీతాదేవిని సింగ్‌ను ఆపాడు. ఆమెతో ఏదో గుసగుసలాడాడని, ఆమె చీరలో ఉన్న ముడి నుండి డబ్బు ఇవ్వమని డిమాండ్ చేశాడు. 20 రూపాయల లంచాన్ని సురేష్ ప్రసాద్ జేబులో వేసుకున్నాడు. ఇదంతా జరిగినా ఎవరు అతన్ని పట్టించుకోలేదు. కానీ అతడిని నిశితంగా గమనించిన అప్పటి రైల్వేస్టేషన్‌ ఇన్‌చార్జ్ రెడ్‌హ్యాండెడ్‌గా పట్టుకోవడంతో విషయం వెలుగులోకి వచ్చిది. వెంటనే లంచం డబ్బులు స్వాధీనం చేసుకున్నారు. అనంతరం పోలీసులకు సమాచారం ఇచ్చాడు.
అయితే, ఈ కేసు విచారణకు వచ్చింది. ముప్పై నాలుగు సంవత్సరాల తరువాత, స్పెషల్ విజిలెన్స్ జడ్జి సుదేష్ శ్రీవాస్తవ గురువారం(సెప్టెంబర్ 5) నాడు సురేష్ ప్రసాద్ సింగ్‌ను అరెస్టు చేసి కోర్టు ముందు హాజరుపరచాలని డిజిపిని ఆదేశించారు. తక్కువ మొత్తంలో లంచం తీసుకున్నప్పటికీ, కేసు దాని స్వంత జీవితాన్ని తీసుకుంది. ఇది మూడు దశాబ్దాలుగా చట్టపరమైన చర్యలకు దారితీసింది. బెయిల్ పొందిన సురేష్ ప్రసాద్ సింగ్, కోర్టుకు హాజరు కాలేదు. 1999లో అతని బెయిల్ రద్దు చేసిన కోర్టు, అరెస్ట్ వారెంట్ జారీ చేసింది. అయితే అప్పటి నుండి పరారీలో ఉన్నాడు సురేష్ ప్రసాద్. ఆ తర్వాత అతని ఆస్తి అటాచ్‌మెంట్ ఆర్డర్ జారీ చేసిన తర్వాత కూడా సింగ్‌ను గుర్తించేందుకు చేసిన ప్రయత్నాలు ఫలించలేదు.
సింగ్ సర్వీస్ రికార్డులపై దర్యాప్తులో అతను మహేష్‌ఖుంట్‌లో తప్పుడు చిరునామాను అందించాడని, అతని అసలు నివాసం బరాహియా, లఖిసరాయ్ జిల్లాలోని బిజోయ్ గ్రామంలో ఉందని వెల్లడించడంతో పరిస్థితి ఇటీవల కొత్త మలుపు తిరిగింది. ఇప్పుడు, స్పెషల్ విజిలెన్స్ జడ్జి సుదేష్ శ్రీవాస్తవ కొత్త ఆదేశాలతో, సింగ్ అరెస్టును నిర్ధారించాలని బీహార్ పోలీసు డిజిపికి ఆదేశాలు అందాయి. పోలీసు శాఖలో అవినీతి, దుష్ప్రవర్తనకు సంబంధించిన అపరిష్కృత, దీర్ఘకాలంగా పెండింగ్‌లో ఉన్న కేసులను పరిష్కరించడానికి కొనసాగుతున్న ప్రయత్నాల మధ్య ఈ కేసుపై కోర్టు మళ్లీ దృష్టి సారించింది.
