సముద్ర గర్భంలో ఎన్నో వింత, అరుదైన జలచరాలు ఆవాసం ఉంటాయి. చిన్న చేపల నుంచి పెద్ద తిమింగలాల వరకు అంతులేని జలచరాలకు ఆవాసం ఈ సముద్రం. అంతటి సముద్రంలో ఒడ్డుకు వచ్చే జలచరాలు కొన్ని ఉంటే..
మరికొన్ని అరుదైన జాతికి చెందినవి సముద్రపు లోతుల్లో తిరుగుతూ.. తేలియాడుతుంటాయి. అయితే అలాంటి అరుదైన జాతికి చెందిన జీవులు.. మనకు తారసపడితే.. భలే బాగుంటుంది కదా ఆ ఊహే.! సరిగ్గా ఓ ఫిషర్‌మ్యాన్‌కు ఇదే జరిగింది. సముద్రంలో చేపల వేట చేస్తోన్న అతడికి ఓ వింత ఆకారం దర్శనమిచ్చింది. దాన్ని పట్టుకుని చూడగా.. వామ్మో.!
వివరాల్లోకి వెళ్తే.. ఆ ఫిషర్‌మ్యాన్‌కు చిక్కింది ఇస్టియోఫోరస్ జాతికి చెందిన సెయిల్ ఫిష్. ఇవి నీలం, బూడిద రంగులో కనిపించే సముద్రపు చేపలు. ఈ చేపలు తరచూ తమ వెనుక భాగాన్ని మొత్తంగా విస్తరిస్తాయి. సెయిల్ ఫిష్ అన్ని మహాసముద్రాలలోని చల్లని పెలాజిక్ నీటిలో నివాసముంటాయి. ఇవి ఇతర జలచరాల కంటే అత్యధిక వేగంగా ఈడుతాయి కూడా.
ఈ చేపలను చాలా మంది శాస్త్రవేత్తలు సముద్రంలో అత్యంత వేగంగా ఈడగలిగే చేపగా పరిగణిస్తారు. ఒకే సంవత్సరంలో సెయిల్ ఫిష్ సుమారు 1.2-1.5 మీ(4-5 అడుగులు) పొడవు పెరుగుతుంది. సాధారణంగా, సెయిల్ ఫిష్ పొడవు 3 మీ(10 అడుగులు) కంటే ఎక్కువ ఉండదు. అలాగే చాలా అరుదుగా 90 కిలోగ్రాముల(200 పౌండ్లు) బరువు ఉంటాయి.
