పుష్ప 2 సినిమాతో కెరీర్‌లో అతిపెద్ద హిట్ నమోదు చేసిన అల్లు అర్జున్, ఇప్పుడు అనేక ప్రాజెక్ట్‌లకు సైన్ చేశాడు. త్రివిక్రమ్‌తో ఒక ప్రాజెక్ట్, అట్లీతో మరో ప్రాజెక్ట్ చేయడానికి సిద్ధమయ్యాడు.
అయితే, కెరీర్‌రంగంలో ఉన్నత స్థాయిలో ఉన్నా, వ్యక్తిగత జీవితంలో కొన్ని సమస్యలు అల్లు అర్జున్‌ను బాధించాయి. ప్రత్యేకంగా పుష్ప 2 తర్వాత జైలుకు వెళ్లడం ఆయనకు ఇబ్బందిని కలిగించింది. తాను ఏమీ తప్పు చేయకపోయినా, జైలుకు వెళ్లవలసి వచ్చిన సందర్భంతో ఫ్యాన్స్ కొంత మటుకు నిరాశ చెందారు. కానీ ప్రస్తుతం అల్లు అర్జున్ తన కెరీర్‌పైనే పూర్తిగా దృష్టి పెట్టాడు.
ఇంతలో, ఓ తాజా వార్త ప్రకారం, అల్లు అర్జున్ తన పేరును మార్చుకోబోతున్నాడని సోషల్ మీడియాలో వైరల్ అవుతోంది. న్యూమరాలజీ స్పెషలిస్ట్ సలహా మేరకు, ఆయన పేరులో ఇంకో “U” మరియు “N” అక్షరాలు జోడించడం వల్ల మంచి ఫలితాలు వస్తాయని చెప్పారట. ఈ మార్పు వల్ల అల్లు అర్జున్ ఇండియన్ సినిమా హిస్టరీలో నంబర్ వన్ హీరోగా మరింత పేరు మరింపు చేసుకుంటాడని భావిస్తున్నారు. అయితే, ఈ వార్తలో ఎంత సత్యం ఉందో ఇంకా స్పష్టం కాదు.
మరోవైపు, అల్లు అర్జున్ త్వరలో త్రివిక్రమ్‌తో చేస్తున్న ప్రాజెక్ట్ ఇండియన్ సినిమా హిస్టరీలో ఇంతవరకు ఎవరూ తాకని విషయంపై ఆధారపడి ఉంటుంది. మైథాలజీ థీమ్‌తో ఈ సినిమా రూపొందుతుంది, ఇది ఇతిహాసాల్లోనే ఎవరికీ తెలియని కొత్త కథగా ఉంటుంది. అల్లు అర్జున్ ఇంతకు ముందెన్నడూ చూడని కొత్త పాత్రలో కనిపిస్తాడు. పాన్-ఇండియా స్థాయిలో వందల కోట్ల బడ్జెట్‌తో ఈ సినిమా తీస్తున్నారు. ప్రీ-ప్రొడక్షన్ కార్యక్రమాలు ఇంకా జరుగుతున్నాయి, ఇటీవల నాగవంశీ ఈ వివరాలు ధృవీకరించాడు.
అల్లు అర్జున్ ఇటీవల కొన్ని రోజులుగా అట్లీ ప్రాజెక్ట్‌పై ఎక్కువగా శ్రద్ధ చూపిస్తున్నాడు. సన్ పిక్చర్స్ ఈ సినిమాను భారీగా ప్లాన్ చేస్తోంది. దీనిలో 5 మంది హీరోయిన్లు కాస్ట్ చేయబడతారని, జాన్వీ కపూర్ మెయిన్ హీరోయిన్‌గా నటిస్తుందని తెలుస్తోంది.
