ఏపీ రాజకీయాల్లో ఈరోజు కీలక పరిణామం జరిగింది. ఏపీ ఫైబర్ నెట్ చైర్మన్ పదవికి జివి రెడ్డి రాజీనామా చేశారు. దీనితో పాటు ఆయన టిడిపి ప్రాథమిక సభ్యత్వానికి, పార్టీ జాతీయ ప్రతినిధి పదవికి కూడా రాజీనామా చేశారు. ఈ మేరకు సీఎం చంద్రబాబుకు రాజీనామా లేఖ పంపారు. ఫైబర్ నెట్ చైర్మన్ పదవికి జివి రెడ్డి రాజీనామాను సంకీర్ణ ప్రభుత్వం ఆమోదించింది.
మరోవైపు ఫైబర్ నెట్ వివాదంపై నివేదిక సీఎంకు చేరింది. ఫైబర్ నెట్ ఎండీ దినేష్ కుమార్ ను బదిలీ చేయాలని సీఎం నిర్ణయించారు. దినేష్ కుమార్ ను జనరల్ అడ్మినిస్ట్రేషన్ డిపార్ట్మెంట్ (జిఎడి)కి రిపోర్ట్ చేయాలని ఆదేశించారు.
ఈ రెండు చర్యల ద్వారా… పార్టీలోనూ, ప్రభుత్వంలోనూ క్రమశిక్షణకు ప్రాధాన్యత ఉందని బలమైన సంకేతాలు పంపబడ్డాయి.
