AP Govt Good News: ఏపీ ప్రభుత్వం మరో హామీని నిలబెట్టుకుంది.. ఎన్నికల సమయంలో ఇచ్చిన హామీ ప్రకారం కీలక నిర్ణయం తీసుకుంది. రాష్ట్రవ్యాప్తంగా పాస్టర్లకు గౌరవ వేతనాల కోసం నిధులు విడుదల చేసింది. 2024-25 సంవత్సరానికి రూ.12.82 కోట్లు మంజూరు చేయబడింది. మే 2024 నుండి గౌరవ వేతనాలను ప్రభుత్వం పరిగణనలోకి తీసుకుంది. 6 నెలలకు గౌరవ వేతనం చెల్లింపు కోసం ఈ రూ.12.82 కోట్లు విడుదల చేసినట్లు ఉత్తర్వులో పేర్కొంది.
ఆంధ్రప్రదేశ్ ప్రభుత్వం కీలక నిర్ణయం తీసుకుంది.. మరో హామీని నిలబెట్టుకుంది. పాస్టర్ల గౌరవ వేతనాలు విడుదలయ్యాయి. రాష్ట్రంలోని పాస్టర్లకు గౌరవ వేతనాల కోసం నిధులు విడుదలయ్యాయి. రాష్ట్రంలోని క్రైస్తవ పాస్టర్లకు గౌరవ వేతనాల చెల్లింపు కోసం ప్రభుత్వం రూ.12.82 కోట్లు విడుదల చేసింది. ఆ మేరకు అధికారులు ఆదేశాలు జారీ చేశారు. గత ఏడాది మే నెల నుండి పాస్టర్లకు గౌరవ వేతనాలు చెల్లిస్తారు. రాష్ట్రవ్యాప్తంగా మొత్తం 8,427 మంది పాస్టర్లకు రూ. నెలకు 5 వేలు. ఈ మేరకు ఎన్నికల సమయంలో ఇచ్చిన హామీని నిలబెట్టుకున్నారు. పాస్టర్లకు మాత్రమే కాకుండా, ఇమామ్‌లు, మౌజమ్‌లకు కూడా గౌరవ వేతనం ఇస్తున్నారు. ఈ మేరకు ప్రభుత్వం ఇటీవల నిధులు విడుదల చేసింది. గత ఏడాది ఏప్రిల్ నుంచి ఈ గౌరవ వేతనం వర్తిస్తుందని చెబుతున్నారు. రాష్ట్రవ్యాప్తంగా ఆదాయం లేని మసీదుల్లోని ఇమామ్‌లకు నెలకు రూ. 10 వేలు, మౌజమ్‌లకు నెలకు రూ. 5 వేలు గౌరవ వేతనం ప్రభుత్వం అందిస్తోంది. 2024-25 సంవత్సరానికి ఇమామ్‌లు, మౌజమ్‌ల గౌరవ వేతనం కోసం మొత్తం రూ. 45 కోట్లు మంజూరు చేశారు. ఈ మేరకు గత నెలలో ఉత్తర్వులు జారీ అయ్యాయి. 2024 ఏప్రిల్ నుంచి గౌరవ వేతనం చెల్లింపు కోసం ఈ డబ్బు విడుదలైంది.
