మరో వారంలో ఫిబ్రవరి నెల ముగియనుంది. మార్చి నెల ప్రారంభం కానుంది. ఇక బ్యాంకుల విషయానికొస్తే ప్రతి నెల బ్యాంకులకు సెలవులు ఉంటాయి. వాటిని గమనించి ముందస్తు ప్లాన్‌ చేసుకుంటే బ్యాంకు పనులు సజావుగా చేసుకునేందుకు అవకాశం ఉంటుంది.
రిజర్వ్‌ బ్యాంక్‌ ఆఫ్‌ ఇండియా (ఆర్బీఐ) ప్రతి నెల బ్యాంకు సెలవుల జాబితాను విడుదల చేస్తుంటుంది. ఇప్పుడు రానున్న మార్చి నెలలో బ్యాంకులకు చాలా సెలవులు రానున్నాయి. మార్చి నెలలో బ్యాంకులు 13 రోజులు బ్యాంకులు మూసి ఉండనున్నాయి. మార్చి నెలలో పండుగలకు కొరత లేదు. ఈ నెలలో హోలీ లాంటి పెద్ద పండుగ కూడా రాబోతోంది. బీహార్ దినోత్సవం, షబ్-ఎ-ఖాదర్, జమాత్ ఉల్ విదా వంటి అనేక సందర్భాలలో దేశంలోని వివిధ రాష్ట్రాల్లో బ్యాంకులు మూసి ఉంటాయి. ఇది కాకుండా, రెండవ, నాల్గవ శనివారాల్లో బ్యాంకులు మూసివేయబడతాయి. ఈసారి 5 ఆదివారాలు కూడా ఉన్నాయి. అటువంటి పరిస్థితిలో మీరు బ్యాంకు ముగింపు తేదీకి ముందే బ్యాంకులకు సంబంధించిన ఏదైనా పనిని పూర్తి చేయాల్సి వస్తే, ఇప్పటి నుండే ప్రణాళిక వేయడం ప్రారంభించండి. ఏ రాష్ట్రంలో బ్యాంకులకు ఏ తేదీన సెలవు ఉండబోతోందో తెలుసుకుందాం.
మార్చి నెలలో బ్యాంకు సెలవుల జాబితా:
- మార్చి 2, ఆదివారం: ఆదివారం సెలవు: ఈ రోజు దేశంలోని అన్ని బ్యాంకులు మూసి ఉంటాయి.
- మార్చి 7, శుక్రవారం: చాప్చర్ కుట్ పండుగ: ఈ రోజున ఐజ్వాల్‌లో బ్యాంకులు మూసివేయబడతాయి.
- మార్చి 8, శనివారం: రెండవ శనివారం సందర్భంగా: ఈ రోజు దేశంలోని అన్ని బ్యాంకులు మూసివేయబడతాయి.
- మార్చి 13, గురువారం: హోలిక దహన్: డెహ్రాడూన్, కాన్పూర్, లక్నో, రాంచీ, తిరువంగపురంలలో బ్యాంకులు మూసి ఉంటాయి.
- మార్చి 14, శుక్రవారం: డోల్‌ జాత్రా పండగ. దీనిని కృష్ణుడికి అంకితం చేస్తారు. దీంతో వెస్ట్‌ బెంగాల్‌లో బ్యాంకులకు సెలవు ఉంటుంది.
- మార్చి 15, శనివారం: యావోసెంగ్ దినోత్సవం: అగర్తల, భువనేశ్వర్, ఇంఫాల్, పాట్నాలో ఈ రోజు బ్యాంకులు మూసివేస్తారు.
- మార్చి 16, ఆదివారం: దేశ వ్యాప్తంగా అన్ని బ్యాంకులు సెలవు.
- మార్చి 22, శనివారం: నాల్గవ శనివారం, బీహార్ దినోత్సవం: ఈ రోజు నాల్గవ శనివారం కాబట్టి, దేశవ్యాప్తంగా సెలవు ఉంటుంది. కానీ బీహార్ దినోత్సవం కారణంగా బీహార్‌లోని బ్యాంకులకు ప్రత్యేక సెలవు ఉంటుంది.
- మార్చి 23, ఆదివారం: ఈ రోజు దేశంలోని అన్ని బ్యాంకులకు సెలవు.
- మార్చి 27, గురువారం: షబ్-ఎ-ఖదర్: జమ్మూ, శ్రీనగర్‌లలో ఈ రోజు బ్యాంకులకు సెలవు.
- మార్చి 28, శుక్రవారం: జమాత్ ఉల్ విదా: జమ్మూ మరియు శ్రీనగర్‌లలో బ్యాంకులకు సెలవు.
- మార్చి 30, ఆదివారం: దేశంలోని అన్ని బ్యాంకులు మూసివేయబడతాయి.
మార్చి 31 సెలవులు రద్దు:
ఆర్బీఐ సెలవు క్యాలెండర్ ఇప్పటికీ మార్చి 31న సెలవుదినం గురించి ప్రస్తావిస్తుంది. కానీ దాదాపు వారం క్రితం RBI మార్చి 31 బ్యాంకు ముగింపు రోజు అని పేర్కొంటూ కొత్త నోటిఫికేషన్ జారీ చేసింది. బ్యాంకులకు సెలవు ఉండదు. దేశంలోని అన్ని బ్యాంకులు తెరిచి ఉంటాయి.
