కూరగాయల కంటే మాంసాహారం మరింత రుచిగా ఉంటుంది. అయితే ఇది ఆరోగ్యాన్ని తర్వగా నాశనం చేస్తుంది. అందుకే శాఖా హారులకంటే మాంసాహారుల ఆయుష్షు తక్కువని పలు అధ్యయనాలు చెబుతున్నాయి. ఇలా కాకుండా సుధీర్ఘకాలం ఆరోగ్యంగా జీవించాలంటే ఈ కింది ఆరు రకాల కూరగాయలు తినాలని చెబుతున్నారు నిపుణులు. అవేంటో ఇక్కడ తెలుసుకుందాం..
హార్వర్డ్ స్కూల్ ఆఫ్ పబ్లిక్ హెల్త్ కన్సల్టెంట్ వాల్టర్ విల్లెట్ అధ్యయనం ప్రకారం.. మాంసం తినడం రేడియేషన్ లాంటిదని, మాంసాహారుల కంటే శాఖాహారులు ఎనిమిదేళ్లు ఎక్కువ కాలం జీవిస్తారని తమ పరిశోధనలో తేలినట్లు వెల్లడించింది.
ముఖ్యంగా ఆహారంలో ఈ 6 రకాల కూరగాయలు తీసుకుంటే దీర్ఘాయువు మీ సొంతం అవుతుందని చెబుతున్నారు. వీటినే ఉత్తమమైన ఆహారంగా నిపుణులు సైతం చెబుతున్నారు. అవేంటంటే.. పాలకూర, క్యాబేజీ, టర్నిప్ ఆకుకూరలు (ఆకుపచ్చ కూరగాయలు), చార్డ్ (ఆకుపచ్చ కూరగాయలు), కొల్లార్డ్స్ (క్యాబేజీ లాంటి కూరగాయలు), దుంపలు. ఈ ఆకుకూరలు మధుమేహం, కొలెస్ట్రాల్ వ్యాధుల నుండి రక్షిస్తాయి. ఇవి గుండెపోటు, స్ట్రోక్ ప్రమాదాన్ని తగ్గిస్తాయి. వీటన్నింటిలో క్యాన్సర్ రాకుండా కాపాడే యాంటీ ఆక్సిడెంట్లు ఉంటాయి.
పాలకూరలో ప్రోటీన్, ఫైబర్, విటమిన్ ఎ, విటమిన్ సి, విటమిన్ కె1, ఫోలిక్ యాసిడ్, ఐరన్, కాల్షియం వంటి ముఖ్యమైన పోషకాలు ఉంటాయి. ఇది ఆక్సీకరణ ఒత్తిడి నుంచి రక్షిస్తుంది. ఇది కణాలను దెబ్బతీయకుండా కాపాడుతుంది.
టర్నిప్ ఆకులలో ప్రోటీన్, కాల్షియం, ఐరన్, మెగ్నీషియం, ఫాస్పరస్, జింక్ ఉంటాయి. ఇది చర్మం, జుట్టును ఆరోగ్యవంతంగా ఉంచుతుంది. రక్తహీనత, బోలు ఎముకల వ్యాధి ప్రమాదాన్ని తగ్గిస్తుంది.
దుంపలు తినడం వల్ల నరాల్లో రక్త ప్రసరణ మెరుగుపడుతుంది. రక్తపోటును నియంత్రించే నైట్రేట్ ఇందులో ఉంటుంది. ఇది మీ స్టామినాను మెరుగుపరుస్తుంది. ఇవి మంచి జీర్ణక్రియకు ఉపయోగపడతాయి.
