ఈ ఆకుల్ని నమిలితే దంతాలు ముత్యాల్లా తెల్లగా మెరుస్తాయ్

కొన్ని ఇంటి చిట్కాలను వాడడం వల్ల పళ్ళు సహజంగానే తెల్లగా మారుతాయి. చక్కగా తెల్లగా కనిపిస్తాయి. దీంతో నాలుక, నోరు అన్నీ కూడా ఎలాంటి కెమికల్స్ లేకుండానే శుభ్రంగా మారతాయి. పైగా దంతాలు తెల్లగా మారతాయి. కేవలం దంతాల్ని తెల్లగా మార్చడమే కాకుండా, నోటి ఆరోగ్యం కూడా మెరుగవుతుంది. నోటిలో పేరుకుపోయిన బ్యాక్టీరియా తగ్గుతుంది. ఇలా చేయడం వల్ల దంత సమస్యలు దూరమవ్వడమే కాకుండా, ఆరోగ్య సమస్యలు కూడా తగ్గుతాయి. దీనికోసం ఇంటిచిట్కాలు ఎలా హెల్ప్ చేస్తాయో తెలుసుకోండి.

ఆయిల్ పుల్లింగ్

ఆయిల్ పుల్లింగ్ అనేది ఓ పాత ఆయుర్వేద పద్ధతి. దీనిని నోటిలోని ట్యాక్సిన్స్, సూక్ష్మజీవుల్ని తొలగించేందుకు వాడతారు. దీనికోసం నువ్వుల నూనె, కొబ్బరినూనె వాడతారు. ఈ పద్ధతిని బట్టి నోటి బ్యాక్టీరియా తగ్గడమే కాకుండా, ప్లేక్, చిగుళ్ల స్కోర్స్‌ని తగ్గిస్తుంది. ఆయిల్ పుల్లింగ్ మీ నోటిలో హానికరమైన బ్యాక్టీరియాని తొలగిస్తుంది. ప్లేక్‌ని తగ్గిస్తుంది. రోజులు గడిచేకొద్దీ దంతాలని తెల్లగా చేస్తుంది. దీనికోసం ఓ టేబుల్ స్పూన్ నూనెని నోటిలో వేసుకుని 10 నుంచి 15 నిమిషాల పాటు అటు ఇటు కదిలించండి. దీని వల్ల దంతా ఆరోగ్యం మెరుగ్గా మారి మంట తగ్గుతుంది. దంతాలు కూడా శుభ్రంగా మారతాయి.

సుగంధ ద్రవ్యాలు వాడడం

మన ఇంట్లో దొరికే చాలా రకాల సుగంధ ద్రవ్యాలు నోటిని శుభ్రం చేస్తాయి. లవంగాలు, దాల్చిన చెక్క, యాలకులు వంటి పదార్థాలు బలమైన యాంటీ మైక్రబయల్ గుణాలని కలిగి ఉంటాయి. ఈ సుగంధ ద్రవ్యాలు ఫలకాన్ని తొలగించి కుహరాలని నివారించి, హానికరమైన క్రిములని నాశనం చేస్తాయి. దాల్చిన చెక్క, యాలకులు, లవంగాలని కలిపి పొడిలా చేసి నీటితో కలిపి పేస్టులా చేయండి. అన్నీ సమాన పరిమాణంలో తీసుకుని ఇలా తయారైన పేస్టుని పావు టీస్పూన్ కంటే తక్కువ పరిమాణంలో తీసుకుని దంతాలు, చిగుళ్లపై రుద్దండి. చిగుళ్లపై ఎక్కువ ప్రెజర్ పెట్టొద్దు. దీంతో దంతాలపై పేరుకుపోయిన మరకలు తగ్గుతాయి.

వేపాకులు

వేపాకులు ఎన్నో సమస్యలకి పరిష్కారం చూపిస్తుంది. ఇందులో యాంటీ మైక్రోబయల్ గుణాలు ఉన్నాయి. ఇవి పళ్ళపై పాచి పేరుకుపోకుండా చేసి చిగుళ్ల వ్యాధిని రాకుండా చేస్తుంది. వీటి కొమ్మలు సహజమైన టూత్‌బ్రష్‌గా పనిచేస్తాయి. వీటిని రెగ్యులర్‌గా వాడితే దంతక్షయం, ఫ్లాక్ పేరుకుపోవడం వంటి సమస్యలు తగ్గి దంత ఆరోగ్యం మెరుగ్గా ఉంటుంది. వేపలో దంతాలని క్లీన్ చేసి దుర్వాసనని దూరం చేసే గుణాలు ఉన్నాయి. దీనిని వాడడం వల్ల హానికరమైన బ్యాక్టీరియా ఏర్పడదు. ఇందులోని యాంటీ బ్యాక్టీరియల్ గుణాలు, సహజ ఫైబర్స్ మీ దంతాలు, చిగుళ్ళని శుభ్రం చేస్తుంది. దీనికోసం తాజా వేప ఆకుల్ని నమలండి.

టంగ్ క్లీనింగ్

నాలుకని అంతగా పట్టించుకోరు. కానీ, దీనిపైనే ఎక్కువగా బ్యాక్టీరియా, ఆహార కణాలు పేరుకుపోతాయి. దీంతో దుర్వాసన వస్తుంది. దంత ఆరోగ్యం కూడా దెబ్బతింటుంది. ఏదైనా పేరుకుపోయిన ఆహారవ్యర్థాలని తొలగించడానికి దీనిని ఫాలో అవ్వొచ్చు. దీనికోసం స్టీల్, రాగి క్లీనర్‌తో నాలుక వెనుక భాగం నుండి ముందుకి సున్నితంగా రాయండి. దీంతో శ్వాస మెరుగవుతుంది. దంతాలు క్లీన్ అవుతాయి. రెగ్యులర్‌గా చేస్తే దంతాలు తెల్లగా మారి నోటి ఆరోగ్యం మెరుగ్గా మారతుంది.

మౌత్‌వాష్

నోటి ఆరోగ్యాన్ని కాపాడుకోవడానికి సహజ మూలికలతో మౌత్‌వాష్ వాడడం చాలా మంచిది. దీనిలో త్రిఫలతో చేయడం మంచిది. త్రిఫలో యాంటీ బ్యాక్టీరియల్, యాంటీ ఇన్‌ఫ్లమేటరీ గుణాలు ఉన్నాయి. ఇవి ఫ్లాక్ ఏర్పడకుండా చిగుళ్ల వాపుని తగ్గిస్తాయి. దుర్వాసనని దూరం చేస్తాయి. యష్టి మధుని వాడితే చిగుళ్లు ఆరోగ్యంగా మారి బ్యాక్టీరియా తగ్గుతుంది.