జియో (Jio) తన ప్రీపెయిడ్ ఆఫర్లను మరింత విస్తరిస్తోంది. భారీ డేటా వినియోగదారులు, వినోద ప్రియులు, తక్కువ బడ్జెట్లో ఉన్నవారికి అనుగుణంగా కొత్త ప్లాన్లను అందుబాటులోకి తీసుకొచ్చింది. రోజుకు 2GB డేటా, అన్లిమిటెడ్ కాల్స్, 5G ప్రయోజనాలతో రూ. 500లోపు ప్లాన్ కోసం చూస్తున్నవారికి జియో మూడు ఆప్షన్లను అందిస్తోంది. అవి రూ. 198, రూ. 349, రూ. 445 ప్లాన్లు. మీ అవసరానికి సరిపోయే ప్లాన్ ఎంచుకోవడంలో సహాయపడేందుకు ఈ మూడు ప్లాన్ల వివరాలు ఒకసారి చూసేద్దామా..
జియో రూ.198 ప్రీపెయిడ్ రీఛార్జ్ ప్లాన్ : ఈ ప్లాన్లో భాగంగా అన్లిమిటెడ్ కాలింగ్, రోజువారీ 100 SMS లను వినియోగించుకోవచ్చు. మరియు ప్రతిరోజు 2GB డేటాను పొందవచ్చు. ఈ డేటా వినియోగం అనంతరం ఇంటర్నెట్ స్పీడ్ 64kbps గా ఉంటుంది. అయితే 5G నెట్వర్క్, స్మార్ట్ఫోన్ అందుబాటులో ఉంటే అన్లిమిటెడ్ 5G డేటాను వినియోగించుకోవచ్చు. ఈ ప్లాన్ లో (Jio Rs198 Recharge Plan) భాగంగా జియో క్లౌడ్, జియో టీవీ యాప్స్ ను వినియోగించుకోవచ్చు. ఈ ప్లాన్ వ్యాలిడిటీ 14 రోజులుగా ఉంది. తక్కువ ధరలో ఎక్కువ డేటా, అన్లిమిటెడ్ 5G డేటా కావాలనుకొనే యూజర్లకు అనుకూలంగా ఉంటుంది.
రూ. 349 ప్రీపెయిడ్ ప్లాన్:
పూర్తి నెలపాటు చెల్లుబాటులో ఉండే ప్లాన్ కోసం చూస్తున్నవారికి రూ. 349 ప్లాన్ మంచి ఎంపిక. ఈ ప్లాన్లో రోజుకు 2GB డేటా (లిమిట్ ముగిసిన తర్వాత వేగం 64 kbpsకు తగ్గుతుంది), అన్లిమిటెడ్ 5G డేటా, అన్లిమిటెడ్ వాయిస్ కాల్స్ (లొకల్, STD, రోమింగ్), రోజుకు 100 SMSలు, జియో టీవీ, జియో క్లౌడ్ యాక్సెస్ లు లభిస్తాయి. ఈ ప్లాన్ 28 రోజుల చెల్లుబాటు అవుతుంది. అదనపు OTT సబ్స్క్రిప్షన్లు అవసరం లేకుండా నెలంతా సౌకర్యవంతంగా ప్లాన్ కావాలంటే ఇది సరైన ఎంపిక.
రూ. 445 ప్రీపెయిడ్ ప్లాన్:
డేటాతో పాటు OTT సబ్స్క్రిప్షన్లను కూడా కోరుకునే వినియోగదారులకు రూ. 445 ప్లాన్ ఉత్తమమైన ఎంపిక. ఈ ప్లాన్ లో రోజుకు 2GB డేటా, అన్లిమిటెడ్ 5G, వాయిస్ కాల్స్, రోజుకు 100 SMSలతో పాటు 11 OTT ప్లాట్ఫాంలు (SonyLIV, Zee5, Lionsgate Play, Discovery Plus, Sun NXT, Chaupal, Flat Marathi etc..), జియో క్లౌడ్ సేవలు లభిస్తాయి. అయితే ఇన్ని సదుపాయాలు కేవలం 28 రోజులకె చెల్లుబాటని మరిచిపోవద్దు.
