Digestion : అజీర్తి సమస్యకు పసుపుతో చెక్‌.. పరిశోధనల్లో ఆసక్తికర విషయాలు..
తీసుకుంటున్న ఆహారంలో, జీవనశైలిలో మార్పులు వెరసి ఇటీవల చాలా మంది అజీర్ణ సమస్యతో బాధపడుతున్నారు. తీసుకున్న ఆహారం జీర్ణం కావడంతో ఎన్నో రకాల అనారోగ్య సమస్యలు దారి తీస్తుందని నిపుణులు చెబుతున్నారు. అజీర్ణం ఎన్నో రకాల ఇతర సమస్యలకు దారి తీస్తుందని వైద్యులు హెచ్చరిస్తుంటారు.
అందుకే తీసుకునే ఆహారం విషయంలో పలు జాగ్రత్తలు తీసుకోవాలని సూచిస్తున్నారు. ముఖ్యంగా ఫైబర్‌ కంటెంట్‌ ఎక్కువగా ఉండే ఫుడ్‌ను తీసుకోవాలని నిపుణులు చెబుతున్నారు. అలాగే జీవన విధానంలోనూ పలు మార్పులు చేసుకోవాలని సూచిస్తున్నారు. అయితే జీర్ణ సంబంధిత సమస్యలకు చెక్‌ పెట్టడంలో పసుపు కూడా కీలక పాత్ర పోషిస్తుందని తాజా పరిశోధనల్లో తేలింది.
పసుపులోని కర్‌క్యుమిన్‌ అజీర్ణ సమస్యలను తగ్గించడంలో కీలక పాత్ర పోషిస్తుందని నిపుణులు చెబుతున్నారు. కడుపులో ఆమ్లం తగ్గటానికి వాడే ఒమిప్రజోల్‌ మందుతో సమానంగా పసుపు పనిచేస్తునందని పరిశోధనల్లో వెల్లడైంది. పసుపులోని కర్‌క్యుమిన్‌కు వాపును తగ్గించే గుణాలుఉన్నాయి. అలాగే సూక్ష్మక్రిములను కట్టడి చేయడంలో ఇవి కీలక పాత్ర పోషిస్తాయి.
గాయమైన సమయంలో పసుపు అప్లై చేసుకునేది ఇందుకే. అయితే పసుపు జీర్ణక్రియను మెరుగుపరచడంలో ఉపయోగపడుతుందని తాజా పరిశోధనల్లో తేలింది. అయితే సంపద్రాయ మందులతో పోల్చితే పసుపు జీర్ణక్రియను ఏమేర మెరుగు పరుస్తుందో అన్నదానిపై స్పష్టత లేదు. థాయిలాండ్‌కు చెందిన పరిశోధకులు నిర్వహించిన అధ్యయనంలో ఈ వివరాలు వెల్లడయ్యాయి. అజీర్ణ సమస్యతో బాధపడేవారిలో కర్‌క్యుమిన్‌, ఒమిప్రజోల్‌ మాత్రలు ఇచ్చి పరిశీలించారు. వీరందరిలోనూ నొప్పి, కడుపుబ్బంర వంటి లక్షణాలు దాదాపు సమానంగా తగ్గడాన్ని పరిశోధకులు గుర్తించారు.
