ఉదయం లేవగానే మనం చేసే పని దంతాలను శుభ్రం చేసుకోవడం. నోటి ఆరోగ్యం బాగుండాలంటే దంతాలు ఆరోగ్యంగా ఉండాలని తెలిసిందే. అందుకే కచ్చితంగా ఉదయాన్నే బ్రష్ చేసుకోవాలని నిపుణులు సైతం చూసిస్తుంటారు.
దంతాలను సరిగ్గా శుభ్రం చేసుకోకపోవడం వల్ల చిగుళ్ల సమస్యలు వస్తాయని తెలిసిందే. అయితే దీర్ఘకాలంగా చిగుళ్ల సమస్యలు గుండె జబ్బులకు, డయాబెటిస్‌కు కూడా దారి తీస్తాయని నిపుణులు హెచ్చరిస్తుంటారు. ఇదిలా ఉంటే బ్రషింగ్‌ విషయంలో ఎన్నో అపోహలు ఉంటాయి.? అలాంటి కొన్ని అపోలు ఏంటి.? వాటిలో నిజం ఎంతో ఇప్పుడు తెలుసుకుందాం..
* రోజులో రెండుసార్లు బ్రష్ చేసుకోవాలని నిపుణులు సూచిస్తుంటారు. దీంతో రాత్రి భోజనం చేసిన తర్వాత చాలా మంది భోజనం చేస్తుంటారు. అయితే తిన్న వెంటనే భోజనం చేసుకోవడం మాత్రం మంచి అలవాటు కాదని నిపుణులు చెబుతున్నారు. నోటిలోని లాలాజలం మనం తిన్న ఆహారాన్ని జీర్ణం చేయడంలో ముఖ్య పాత్ర పోషిస్తుంది. కాబట్టి పళ్లు తోమడం వల్ల ఈ ప్రభావం తగ్గుతుంది. లాలా జలం ప్రభావం తగ్గడం వల్ల జీర్ణక్రియపై ప్రభావం పడుతుంది. అందుకే తిన్న తర్వాత కనీసం 30 నిమిషాల తర్వాతే బ్రష్ చేసుకోవాలి.
* ఇక బ్రషింగ్‌ ఎక్కువసేపు చేయడం వల్ల దంతాలు తెల్లగా మారుతాయని చాలా మంది భావిస్తుంటారు. అయితే ఇందులో నిజం లేదు. ఎక్కువగా సేపు బ్రష్ చేయడం వల్ల పళ్లపై ఉండే ఎనామిల్ తొలిగిపోయి బలహీనపడి పడుతుంది. అందుకే ఎక్కువసేపు కాకుండా రెండు నిమిషాలు బ్రష్ చేసుకోవడం ఉత్తమం.
* ఇక బ్రష్ బ్రిజల్స్‌ హార్డ్‌గా ఉంటే పళ్లు మెరుస్తాయని కొందరు భావిస్తుంటారు. అయితే కఠినమైన బ్రిజల్స్‌ దంతాలను, చిగుళ్లను గాయపరుస్తాయి. రక్తం కారేలా చేస్తాయి.
* బ్రష్ ఎన్ని రోజులకు ఒకసారి మార్చాలన్న దానిపై కూడా చాలా మందికి అపోహలు ఉంటాయి. చాలా మంది నెలలకు తరబడి బ్రష్‌ను ఉపయోగిస్తారు. అయితే ఇలా చేయడం మంచిది కాదని నిపుణులు చెబుతున్నారు. కనీసం 3 నెలలకు ఒకసారి అయినా బ్రష్‌లను మార్చాలని వైద్యులు చెబుతున్నారు.
* మనలో చాలా మంది ఎక్కువగా పేస్ట్‌ను వాడితే మంచిదనే అపోహలో ఉంటారు. అయితే దీనివల్ల ఎలాంటి ప్రయోజనం ఉండదు. ఒక పెద్ద బటానీ గింజ పరిమాణంలో పేస్ట్‌ సరిపోతుంది.
నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.
