కేంద్ర ప్రభుత్వం నిర్వహిస్తున్న ఇ-శ్రామ్ పోర్టల్‌లో ఇప్పటివరకు 30.58 కోట్ల మంది అసంఘటిత రంగ కార్మికులు నమోదయ్యారు. ఈ కార్మికులు అనేక ప్రభుత్వ సంక్షేమ పథకాల నుంచి నేరుగా లాభం పొందుతున్నారు. ఈ విషయాన్ని ఫిబ్రవరి 3న లోక్‌సభలో కార్మిక శాఖ సహాయ మంత్రి శోభా కరంద్లాజే వెల్లడించారు. 2024లో మాత్రమే 1.23 కోట్ల మంది కొత్తగా రిజిస్టర్ చేసుకున్నారు. ప్రస్తుతం రోజుకు సగటున 33,700 మంది రిజిస్ట్రేషన్ చేస్తున్నారు.
ఇ-శ్రామ్ పోర్టల్ అంటే ఏమిటి?
2021 ఆగస్టు 26న కార్మిక, ఉపాధి శాఖ ఈ పోర్టల్‌ను ప్రారంభించింది. ఇది 22 భారతీయ భాషలలో అందుబాటులో ఉంది. ప్రస్తుతం 12 కేంద్ర శాఖల పథకాలతో లింక్ అయింది. ఈ పోర్టల్ ద్వారా అసంఘటిత రంగ కార్మికుల డేటా సేకరించి, వారికి సామాజిక సురక్షా పథకాలు కల్పించడం ప్రధాన ఉద్దేశ్యం.
ఎలా నమోదు చేసుకోవాలి?
ఇ-శ్రామ్ పోర్టల్‌లో నమోదు చాలా సులభం. మీరు స్వయంగా ఆన్‌లైన్‌లో రిజిస్టర్ చేయవచ్చు లేదా దగ్గరలోని సీఎస్సీ (Common Service Centre)కి వెళ్లి సహాయం పొందవచ్చు.
అవసరమైన డాక్యుమెంట్లు:
- ఆధార్ కార్డు
- బ్యాంక్ ఖాతా వివరాలు
- మొబైల్ నంబర్
ఇ-శ్రామ్ కార్డు ఉన్నవారికి లభించే ప్రయోజనాలు
ఇప్పటివరకు 12 ప్రధాన పథకాలతో ఈ పోర్టల్ అనుసంధానించబడింది. ప్రముఖ పథకాలు:
- ప్రధానమంత్రి సురక్ష బీమా యోజన (PMSBY)
- జీవన్ జ్యోతి బీమా యోజన (PMJJBY)
- ఆయుష్మాన్ భారత్
- PM-SVANidhi
- PM ఆవాస్ యోజన
ఎవరు అర్హులు?
కింది అసంఘటిత రంగ కార్మికులు ఈ పథకాలకు అర్హులు:
- స్ట్రీట్ వెండర్లు
- చిన్న షాపుల యజమానులు
- కూరగాయలు, పాలు అమ్మేవారు
- నిర్మాణ కార్మికులు
- ఆటో, రిక్షా డ్రైవర్లు
- గార్బేజ్ కలెక్టర్లు
- ధోబీలు, దర్జీలు
- బస్ డ్రైవర్లు, కండక్టర్లు
- ఇతర సేవా రంగ కార్మికులు
ఇంకెందుకు ఆలస్యం? ఇ-శ్రామ్ కార్డును ఇప్పుడే తీసుకోండి – ప్రభుత్వ యోజనలు మీ జీవితాన్ని సురక్షితం చేసే మార్గం అవుతాయి!
