ఆంధ్రప్రదేశ్‌లో ఇటీవల జరిగిన హోరా హోరీ ఎన్నికల్లో తెలుగు దేశం పార్టీ అధికారంలోకి వచ్చింది. త్వరలోనే చంద్రబాబు.. ముఖ్యమంత్రిగా ప్రమాణ స్వీకారం చేయబోతున్నారు.
ప్రస్తుతం తెలుగు దేశం పార్టీ అధినేత చంద్రబాబు నాయుడు వయసు 74. ఈ వయసులో కూడా ఆయన ఇంత చురుగ్గా.. ఓ పార్టీని నడిపిస్తున్నారంటే.. మామూలు విషయం కాదు. మరి చంద్రబాబు నాయుడు ఇంత ఆరోగ్యంగా ఉండటానికి ఆయన ఏం తింటారు? ఎలాంటి డైట్ ఫాలో అవుతారు? ఎక్కువగా ఏం తింటారో.. ఇప్పుడు తెలుసుకుందాం.
చంద్రబాబు నాయుడు తినే ఆహారం గురించి ఆయనే స్వయంగా ఓ ఇంటర్వ్యూలో చెప్పారు. తను బతకడం కోసం తింటాను తప్ప.. తినడం కోసం బతకను అని చెప్పారు. ఆయన తీసుకునే ఆహారం చాలా సింపుల్‌గా ఉంటుందని వెల్లడించారు. ఎలాంటి ఆహారం పడితే అది తీసుకోనని.. కేవలం ఆరోగ్యంగా ఉండేవి మాత్రమే తింటానని తెలిపారు. ఎంత తింటున్నాం.. ఎన్ని క్యాలరీలు ఖర్చు అవుతున్నాయని లెక్కలు వేసుకుంటానని వెల్లడించారు.
చంద్రబాబు తినే డైట్ చాట్ ఇదే:
ఉదయం: ఇడ్లీ, జొన్న ఇడ్లీ, రాగి ఇడ్లీ, ఓట్స్ ఉప్మా, రెండు దోశలు, కొద్దిగా చట్నీ, రెండు ఉడకబెట్టిన గుడ్లు. వీటిల్లో ఏదో ఒక బ్రేక్ ఫాస్ట్ తీసుకుంటారు. అలాగే బ్రేక్ ఫాస్ట్‌కి లంచ్‌కి మధ్యలో ఓ పండు.
మధ్యాహ్నం: రాగి, జొన్న, సజ్జలతో చేసిన రొట్టెలు లేదా అన్నం, రెండు, మూడు కూరలు. నూనె ఎక్కువగా లేనివి, కొద్దిగా పెరుగు. లంచ్‌కు ఈవెనింగ్ స్నాక్స్‌కు మధ్యలో కొన్ని నట్స్ లేదంటే జ్యూస్.
సాయంత్రం: ఏదైనా ఒక సూప్, కొద్దిగా స్నాక్స్, ఎగ్ వైట్.
రాత్రి: రాత్రి పడుకునే ముందు కేవలం ఒక గ్లాస్ పాలు మాత్రమే. మరీ ఎక్కువగా ఆకలి వేస్తే ఒక చిన్న పండు.
అదే విధంగా నేను ఆరు నుంచి ఏడు గంటల నిద్ర పోతానని వెల్లడించారు. ఈ డైట్ ఫాలో అవుతూ.. వాకింగ్ లేదా చిన్న చిన్న వ్యాయామాలు చేస్తానని చంద్రబాబు వెల్లడించారు. తిన్న ఫుడ్స్ బట్టి ఒక్కోసారి వ్యాయామాలు కూడా మారతాయట. ఇలా చంద్రబాబు డైట్ ఉంటుంది. బాబు ఎక్కడ ఉన్నా.. ఈ డైట్ అనేది ఫాలో అవుతానని ఓసారి చెప్పారు.
