ఫ్రపంచంలోనే అతి పెద్ద బంగారు గని ఎక్కడ ఉందో తెలుసా..?

ఈ సంవత్సరం ప్రారంభం నుంచి గమనించినట్లయితే బంగారం ధర దాదాపు 50 శాతం పెరిగింది. ఇది చరిత్రలోనే తొలిసారి అని చెప్పవచ్చు. బంగారం ధర భారీగా పెరిగిన నేపథ్యంలో బంగారం గురించి అనేక విషయాలు తెలుసుకునేందుకు జనం ఎక్కువగా ఆసక్తి చూపిస్తున్నారు. ముఖ్యంగా ప్రపంచంలో అత్యధికంగా బంగారం ఉత్పత్తి చేసే దేశం ఏది..? బంగారం ధర ఏ దేశంలో ధర తక్కువగా ఉంటుంది. ఇలాంటి విషయాలను తెలుసుకునేందుకు జనం ఎక్కువగా ఆసక్తి చూపిస్తున్నారు. అయితే ప్రస్తుతం బంగారం లోహం ఎక్కువగా లభించే అతిపెద్ద గని గురించి ఇప్పుడు మనం తెలుసుకుందాం. . ఈ గనిలో ప్రతి సంవత్సరం టన్నుల కొద్ది బంగారం వెలికి తీస్తున్నారు. భూమిపైనే అతిపెద్ద బంగారు గనిగా ఈ ప్రాంతం పేరు సంపాదించుకుంది అది ఎక్కడో ఇప్పుడు మనం తెలుసుకుందాం.

ప్రస్తుతం ప్రపంచంలో అతి పెద్ద గోల్డ్ మైన్ నెవాడా గోల్డ్ మైన్ (Nevada Gold Mines) పేరు సంపాదించుకుంది. ఈ అతిపెద్ద బంగారు గని అమెరికాలోని నెవాడా రాష్ట్రంలో ఉంది. ఈ గనిని బారిక్ గోల్డ్, న్యూ మెంట్ కార్పొరేషన్ అనే రెండు పెద్ద కంపెనీలు కలిసి నడుపుతున్నాయి. ఈ గనిలో ప్రతి సంవత్సరం సుమారు 3.3 మిలియన్ ఔన్సుల బంగారం అంటే సుమారు 102 టన్నుల బంగారం తవ్వి వెలికి తీస్తున్నారు. అమెరికా ఆర్థిక వ్యవస్థకు ఈ బంగారు గని తరగని నిధి అని చెప్పవచ్చు. ఈ గని విశిష్టతల విషయానికి వచ్చినట్లయితే, ఈ భూమిపై వాడుకలో ఉన్న అతిపెద్ద బంగారు గనుక గుర్తింపు పొందింది.

ఇందులో ప్రతిరోజు సుమారు 9000 ఔన్సుల బంగారం వెలికి తీస్తారు. అంటే దాదాపు 280 కేజీల బంగారం ఈ గని నుంచి వెలికితీస్తున్నారు. ప్రస్తుతం బంగారం ధర భారీగా పెరిగిన నేపథ్యంలో ఈ మైనింగ్ కార్యకలాపాలు చాలా ప్రాధాన్యతను సంపాదించుకుంటున్నాయి అని చెప్పవచ్చు. ప్రపంచంలో అత్యధికంగా బంగారం లభించే దేశాల్లో అమెరికా కూడా ఒకటి. అయినప్పటికీ చైనా, రష్యా, ఆస్ట్రేలియా, ఉజ్బెకిస్తాన్ దేశాలు కూడా బంగారం ఉత్పత్తిలో టాప్ స్థానంలో నిలిచి ఉన్నాయి. మనదేశంలో కూడా బంగారు గనులు ఉన్నప్పటికీ, వాటి నుంచి లభించే బంగారం చాలా తక్కువ మొత్తంలో లభిస్తుంది. కనుక మన దేశంలో లభించే బంగారంలో దాదాపు 90 శాతం పైనే విదేశాల నుంచి దిగుమతి అవుతుంది.