మొబైల్ ఫోన్లు పాతబడిన కొద్దీ వాటి పనితీరు మందగిస్తుంది. చాలా మంది స్మార్ట్‌ఫోన్ హ్యాంగింగ్ సమస్యలను ఎదుర్కొంటారు. ఫోన్ హ్యాంగింగ్
ఫోన్ ఇంటర్నల్‌ స్టోరేజీ లేదా ర్యామ్ నిండినప్పుడు మొబైల్ ఫోన్ ఏదైనా ప్రాసెస్ చేయడంలో సమస్యను ఎదుర్కొంటుంది.
అప్పుడు యాప్‌లు నెమ్మదిగా పని చేస్తాయి. కొన్నిసార్లు యాప్‌లు క్రాష్ అవ్వడం కూడా జరుగుతుంటాయి. స్మార్ట్‌ఫోన్ హ్యాంగింగ్ సమస్యలను నివారించడానికి, మీరు ఏదైనా అనవసరమైన డేటా, ఫోటోలు, వీడియోలను తొలగించవచ్చు. స్టోరేజీని ఖాళీ చేయవచ్చు.
అనేక సార్లు యాప్ డెవలపర్లు Google Play Store, Apple App Storeలో యాప్‌లకు అప్‌డేట్‌లను విడుదల చేస్తారు. కానీ యాప్‌ను డౌన్‌లోడ్ చేసిన తర్వాత దానిపై శ్రద్ధ పెట్టడం కూడా అవసరం. ఎప్పటికప్పుడు యాప్ డెవలపర్లు ఏదైనా యాప్‌కి అప్‌డేట్‌లను అందజేస్తారు.
చాలా సార్లు మీరు యాప్‌లను అప్‌డేట్ చేయరు. మీరు అవసరమైనప్పుడు యాప్‌లను అప్‌డేట్ చేయకపోయినా, మొబైల్ ఫోన్ హ్యాంగ్ కావడం ప్రారంభమవుతుంది. అటువంటి పరిస్థితులలో యాప్‌లను అప్‌డేట్ చేయడం మంచిది.
ఫోన్‌లో ర్యామ్ తక్కువగా ఉండి, బ్యాక్‌గ్రౌండ్‌లో ఒకేసారి అనేక యాప్‌లు ఓపెన్ అయినట్లయితే, ఈ యాప్‌లు బ్యాక్‌గ్రౌండ్‌లో పనిచేయడం ప్రారంభించి ఫోన్ పనితీరు తగ్గడం మొదలవుతుంది. ఇలాంటి కారణాల వల్ల కొన్నిసార్లు ఫోన్ హ్యాంగ్ అవుతుంది. అటువంటి పరిస్థితులలో బ్యాక్‌గ్రౌండ్ నుండి అవసరం లేని యాప్‌లను తీసివేయడం ఉత్తమం.
