చేపలు ఒక మంచి పౌష్టికాహారం, చేపలు మాత్రమే కాదు చేప కళ్ళు కూడా సంప్రదాయ భారతీయ ఆహారాలలో ఒక ప్రధాన భాగం. చేపల కళ్ళు అనేక పోషక ప్రయోజనాలను అందిస్తాయి.
చాలా మంది చేప కళ్ళను తినటానికి ఇష్టపడరు. వాటిని వండే ముందే తీసి పారేస్తారు. కానీ చేప కళ్ళలో అద్భుతమైన పోషకాలు ఉంటాయి. చేపల కళ్ళలో ఒమేగా 3 ఫ్యాటీ యాసిడ్స్ ఎక్కువగా ఉంటాయి.
చేప కళ్ళలో ఫుల్ పోషకాలు
అంతేకాదు చేప కళ్ళల్లో విటమిన్ ఏ, విటమిన్ బి12, విటమిన్ ఈ, జింక్, ఐరన్ వంటి అనేక ఖనిజాలు పుష్కలంగా ఉంటాయి. చేపల కళ్ళు తింటే అవి మనకు మంచి ఆరోగ్య ప్రయోజనాలను కలిగిస్తాయి. ఒమేగా 3 ఫ్యాటీ యాసిడ్స్ సమృద్ధిగా ఉండే చేపకళ్ళ వల్ల గుండె ఆరోగ్యం మెరుగుపడుతుంది. మెదడు పనితీరుకి మద్దతు లభిస్తుంది. చేపల కళ్ళు తింటే శరీర వాపులు, నొప్పులు తగ్గుతాయి.
చేప కళ్ళు అందించే ఆరోగ్య ప్రయోజనాలు
శరీరం మొత్తం ఆరోగ్యానికి దోహదం చేస్తుంది. చేపల కళ్ళల్లో విటమిన్ ఏ ఎక్కువగా ఉండటం వల్ల మంచి దృష్టిని మరియు ఆరోగ్యకరమైన రోగ నిరోధక వ్యవస్థను నిర్వహించడానికి ఉపయోగపడుతుంది. చేప కళ్ళు రక్తపోటును తగ్గించడంలో కీలక భూమిక పోషిస్తాయి. చేప కళ్ళలో ఉండే కొవ్వు ఆమ్లాలు మెదడు ఆరోగ్యాన్ని మెరుగుపరిచి, మనకు లాభాన్ని చేకూరుస్తాయి.
ఈ రోగాల నుండి విముక్తి కలిగించే చేప కళ్ళు
చేప కళ్ళను తినడం వల్ల మనకు నైట్ బ్లైండ్నెస్ వంటి సమస్యలు రాకుండా ఉంటాయి. చేప కళ్ళు మన రోగనిరోధక వ్యవస్థను బలపరిచి, సమర్థవంతంగా పనిచేస్తాయి. చేపల కళ్ళను తినడం వల్ల చర్మ ఆరోగ్యం, ఎముకల దృఢత్వం పెరుగుతుంది. రక్తనాళాల పనితీరు మెరుగుపడుతుంది. కంటి రుగ్మతలను నివారించడానికి చేపల కళ్ళు తినడం చాలా మంచిది. ఆటిజం వంటి మానసిక సమస్యలతో ఇబ్బంది పడే వారికి చేపలు సహకరిస్తాయి.
