అకస్మాత్తుగా వచ్చే సమస్యల్లో చెవి పోటు కూడా ఒకటి. చెవి పోటు వచ్చిందంటే కూర్చోలేం.. నిద్రపోలేం. ఈ చెవి పోటు ఎక్కువగా అర్థరాత్రలు సమయంలోనే వస్తుంది.
ఆ సమయంలో ఏమీ చేయలేని పరిస్థితి ఉంటుంది. మెడికల్ షాప్స్ కూడా క్లోజ్ చేసి ఉంటాయి. ఇలాంటి సమయంలో కూడా త్వరగా చెవి పోటు నుంచి ఉపశమనం పొందవచ్చు. ఇప్పుడు చెప్పే చిట్కాలు ఎంతో హెల్ప్ చేస్తాయి. ఈ చిట్కాలతో తక్షణమే చెవి పోటు నుంచి రిలీఫ్ అవ్వొచ్చు. చిన్న పిల్లల్లో ఈ సమస్య ఎక్కువగా కనిపిస్తుంది. కాబట్టి ఈ టిప్స్ వారికి కూడా ఉపయోగించవచ్చు. నేచురల్‌గానే మనం చెవి పోటు నుంచి ఉపశమనం పొందవచ్చు. చాలా వరకు ఇంట్లో ఉండే వాటితోనే మనం వ్యాధుల్ని నయం చేసుకోవచ్చు. మరి అవేంటో ఇప్పుడు తెలుసుకుందాం.
ఆయిల్స్:
ఇప్పుడంటే డ్రాప్స్ వచ్చాక చాలా మంది వీటినే ఉపయోగిస్తున్నారు. కానీ ఇంతకు ముందు మాత్రం చెవి పోటు వచ్చిందంటే.. ఇంట్లో ఏ నూనె ఉంటే అది వేడి చేసి చెవిలో వేసేవారు. ఇది వలన చెవి శుభ్ర పడటమే కాకుండా.. చెవి నొప్పి కూడా తగ్గేది. కాబట్టి ఈ చిట్కా చక్కగా పని చేస్తుంది.
తులసి ఆకులు:
తులసి ఔషధ గుణాలు నిండిన మొక్క. కాబట్టి తులసి ఆకులను నలిపి.. ఆ రసాన్ని చెవిలో వేయడం వల్ల తక్షణమే ఉపశమనం పొందవచ్చు. తులసి ఆకుల్లో యాంటీ ఇన్ ఫ్లమేటరీ గుణాలు, యాంటీ ఆక్సిడెంట్లు గుణాలు ఎక్కువగా ఉంటాయి. కాబట్టి చెవి నొప్పి త్వరగా తగ్గుతుంది.
వెల్లుల్లి:
వెల్లుల్లితో కూడా చెవి నొప్పి, వాపులను తగ్గించుకోవచ్చు. వెల్లుల్లి రెబ్బలను దంచి.. వేడి చేసి.. అనంతరం వస్త్రంలో చుట్టి నొప్పి ఉన్న చోట కాపుడం పట్టాలి. ఇలా చేయడం వల్ల నొప్పి త్వరగా తగ్గుతుంది.
అల్లం:
ఎవరి ఇంట్లో అయినా అల్లం ఖచ్చితంగా ఉంటుంది. చెవి నొప్పితో ఇబ్బంది పడేవారు అల్లాన్ని దంచి రసం తీయాలి. ఈ రసాన్ని నొప్పి ఉన్న ప్రదేశంలో వేసి మర్దనా చేయాలి. ఇలా చేయడం వల్ల నొప్పి నుంచి రిలీఫ్ పొందవచ్చు.
నువ్వుల నూనె లేదా ఆలివ్ ఆయిల్:
నువ్వుల నూనె లేదా ఆలివ్ ఆయిల్స్‌తో కూడా నొప్పులను తగ్గించుకోవచ్చు. ఎందుకంటే వీటిల్లో నొప్పిని తగ్గించే గుణాలు ఉన్నాయి. నొప్పి ఎక్కువగా ఉన్నప్పుడు కొద్దిగా వేడి చెవిలో వేయాలి. నొప్పి తగ్గడంలో పాటు చెవి కూడా క్లీన్ అవుతుంది.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే.)
