లాంగ్ వీకెండ్‌కు బయటికి వెళ్లేందుకు ప్లాన్‌ చేస్తున్నారా? అయితే ఈ హాలిడే స్పాట్‌లను అస్సలు మిస్‌ చేయకండి. వీకెండ్‌కు బీచ్‌కు మించిన ఆహ్లాదకరమైన ప్రదేశం మరొకటి ఉండదు. ఏకాంతంగా గడిపేందుకు లాంగ్ డ్రైవ్‌లు, బీచ్‌లను ఇష్టపడే వాళ్లు చాలా మంది ఉంటారు. కోల్‌కతాకు అత్యంత సమీపంలో 5 బెస్ట్ బీచ్‌లు ఉన్నాయి. వీటిని మీ లాంగ్ వీకెండ్లో సందర్శించవచ్చు.
బొగురాన్ ఆలివ్ కంతి నుండి కేవలం 13 కి.మీ దూరంలో దట్టమైన అడవి ప్రాంతంలో ఓ బీచ్ ఉంది. అక్కడ అరుదైన ఎర్ర పీతలు కూడా కనిపిస్తాయి. బోగురాన్ ఆలివ్ బీచ్‌లో ఏకాంతంగా గడిపేందుకు మీ ప్రియమైన వారితో కలిసి వెళ్లవచ్చు.
మందరమణికి కొంచెం దూరంలో దక్షిణ పురుషోత్తంపూర్ ఉంది. ఈ బీచ్‌లో మందరమణి కంటే తక్కువ సంఖ్యలో పర్యాటకులు ఉంటారు. ఇక్కడ కూడా ఎర్రటి పీతలు కనువిందు చేస్తుంటాయి. శరదృతువు మధ్యాహ్నం సూర్యాస్తమయాన్ని చూడటానికి దక్షిణ పురుషోత్తంపూర్ మంచి ప్లేస్‌.
ఒడిశాలోని బాగ్దాలో కూడా మరో సుందరమైన బీచ్ ఉంది. ఇది బాలాసోర్ స్టేషన్‌కి చాలా దగ్గరలో ఉంది. కోల్‌కతా నుంచి దుబ్లాగరికి కారులో కూడా వెళ్లవచ్చు. సముద్రం దగ్గర మట్టి రిసార్ట్ ఉంది. ఒడిశాలోని మరో బీచ్ జమునాసుల్. ఈ జమునసుల్ బీచ్ ఎల్లప్పుడు పీస్‌ ఫుల్‌గా ఉంటుంది.
లాల్‌గంజ్ నమ్‌ఖానాకు చాలా దగ్గరలో ఓ బీచ్ ఉంది. బీచ్‌లోని టెంట్‌లో ఉండాలనుకుంటే, మీరు ఈ లాల్‌గంజ్‌ని ఎంచుకోవచ్చు. కోల్‌కతా నుండి లాల్‌గంజ్ బీచ్ కేవలం 120 కి.మీ.ల దూరంలో ఇది ఉంది.
