ఆంధ్రప్రదేశ్‌లో జరిగే పండుగలలో అత్యంత ప్రధానమైనది సంక్రాంతి పండుగ. ఈ పండుగను కుటుంబ సభ్యులు, బంధుమిత్రులు అంతా కలిసి జరుపుకుంటారు. ముఖ్యంగా గ్రామీణప్రాంతాలలో అయితే ఈ సంక్రాంతి వేడుకలు ఎంతో కన్నుల పండువగా జరుపుకుంటాయి.
కొత్త అల్లుళ్ల రాకపోతే అత్తారింటిలో పండుగ వాతావరణం నెలకొంటుంది. ఈ సంక్రాంతి పండుగ కోసం దేశ, విదేశాల్లో స్థిరపడిన వారు సైతం తమ సొంతూళ్లకు వస్తుంటారు. సొంతూళ్లో పండుగను జరుపుకునేందుకు 10 రోజులకు తగినట్లుగా ప్రజలు ప్లాన్ చేసుకుంటారు. అయితే ఈ ఏడాది కూడా విద్యాశాఖ క్యాలెండర్ ప్రకారం ప్రభుత్వం పది రోజులపాటు సెలవులు ప్రకటించింది. 2025 జనవరి 10 నుంచి 19వ తేదీ వరకు అంటే పది రోజులపాటు సెలవులు ప్రకటించింది. జనవరి 20న సోమవారం తిరిగి స్కూల్స్ ప్రారంభం అవుతాయని ఎస్సీఈఆర్టీ డైరెక్టర్ కృష్ణారెడ్డి వెల్లడించారు.
ఈసారి కూడా 10 రోజుల సెలవులు: ఎస్సీఈఆర్టీ డైరెక్టర్ కృష్ణారెడ్డి
సంక్రాంతి పండుగకు సంబంధించి హాలిడేస్‌పై సోషల్ మీడియాలో అనేక వార్తలు హల్‌చల్ చేశాయి. సెలవులు కుదిస్తారంటూ ప్రచారం జరిగింది. వాస్తవానికి విద్యార్ధులకు ఎక్కువ రోజులు సెలవులు సంక్రాంతికే ఇస్తారు. అలాంటిది సెలవులు తగ్గిస్తారని చెప్పడంతో విద్యార్థులు నిరాశచెందారు. అయితే ఈ ప్రచారంపై ఆంధ్రప్రదేశ్ ప్రభుత్వం క్లారిటీ ఇచ్చింది. జనవరి 10 నుంచి 19వ తేదీ వరకు పండుగ సెలవులు ఇస్తున్నట్లు ఎస్సీఈఆర్టీ డైరెక్టర్ కృష్ణారెడ్డి వెల్లడించారు. 2024 -25 అకడమిక్ క్యాలెండర్ ప్రకారమే సెలవులు ఉంటాయని క్లారిటీ ఇచ్చారు. సోషల్ మీడియాలో జరుగుతున్న ప్రచారాన్ని నమ్మవద్దు అని సూచించారు.
మెుత్తం 44 హాలిడేస్
2025 సంవత్సరానికి సంబంధించి సెలవుల జాబితాను ఇటీవలే ఎస్సీఈఆర్టీ డైరెక్టర్ కృష్ణారెడ్డి విడుదల చేసిన సంగతి తెలిసిందే. ఈ షెడ్యూల్‌ ప్రకారం 2025లో మొత్తం 23 సాధారణ సెలవులు.. 21 ఆప్షనల్ హాలిడేస్ ఉన్నాయి. ఇలా సాధారణ సెలవులు, ఆప్షనల్ హాలిడేలు కలిపితే మెుత్తం ఈ ఏడాది 44 రోజులు సెలవులు ఉన్నాయి. ఇకపోతే ప్రభుత్వం ప్రకటించిన సెలవులలో 4 హాలిడేస్ ఆదివారం నాడే రావడం విశేషం. రిపబ్లిక్ డే, ఉగాది, శ్రీరామనవమి, మొహర్రం ఈ నాలుగు పండుగలు ఆదివారం రోజే రావటం గమనార్హం.
