డిజిటల్ చెల్లింపులను మరింత అందుబాటులోకి తీసుకురావడానికి, వేగవంతం చేయడానికి, నేషనల్ పేమెంట్స్ కార్పొరేషన్ ఆఫ్ ఇండియా (NPCI) మరో కీలక నిర్ణయం తీసుకుంది. ఈ మార్పు మూలధన మార్కెట్ పెట్టుబడులు, బీమా ప్రీమియంలు, క్రెడిట్ కార్డ్ బిల్లులు, ప్రయాణం, ప్రభుత్వ చెల్లింపులు వంటి ఎంపిక చేసిన వ్యాపారి వర్గాలకు వర్తిస్తుంది.
డిజిటల్ చెల్లింపులను మరింత అందుబాటులోకి తీసుకురావడానికి, వేగవంతం చేయడానికి, నేషనల్ పేమెంట్స్ కార్పొరేషన్ ఆఫ్ ఇండియా (NPCI) మరో కీలక నిర్ణయం తీసుకుంది. ఈ మార్పు మూలధన మార్కెట్ పెట్టుబడులు, బీమా ప్రీమియంలు, క్రెడిట్ కార్డ్ బిల్లులు, ప్రయాణం, ప్రభుత్వ చెల్లింపులు వంటి ఎంపిక చేసిన వ్యాపారి వర్గాలకు వర్తిస్తుంది. ప్రతి వర్గానికి వర్తించే విధంగా వివిధ పరిమితులలో నెలవారీ పరిమితి క్యాలెండర్ నెలలో నెలవారీ ప్రాతిపదికన లెక్కించడం జరుగుతుంది. అలాగే P2P (వ్యక్తి నుండి వ్యక్తికి) బదిలీలు రోజుకు రూ.1 లక్ష వద్ద యథావిధిగా ఉంటాయి.
ఇక నుంచి UPI ద్వారా 24 గంటల్లో రూ. 10 లక్షల వరకు లావాదేవీలు చేయవచ్చు. ముఖ్యంగా పన్ను చెల్లింపు, ఇతర ఆర్థిక సేవలకు సంబంధించిన వర్గాల కోసం ఈ మార్పు చేసింది. ఈ కొత్త వ్యవస్థ 15 సెప్టెంబర్ 2025 నుండి అమల్లోకి వస్తుంది. ఆదాయపు పన్ను రిటర్న్లను దాఖలు చేయడానికి చివరి తేదీని దృష్టిలో ఉంచుకుని NPCI ఈ చర్య తీసుకుంది. తద్వారా పన్ను సంబంధిత చెల్లింపులు మరింత సులభంగా, వేగంగా చేయవచ్చు.
ఈ మార్పుతో, NPCI బ్యాంకులకు వారి విధానాలు, భద్రతా ప్రమాణాల ప్రకారం అంతర్గత లావాదేవీ పరిమితులను నిర్ణయించుకునే స్వేచ్ఛను కూడా ఇచ్చింది. అయితే, 24 గంటల గరిష్ట పరిమితి రూ. 10 లక్షలకు మించకుండా చూసుకోవాలి. ఇది బ్యాంకులు కస్టమర్ సౌలభ్యంతో పాటు భద్రతపై దృష్టి పెట్టడానికి అవకాశాన్ని ఇస్తుంది.
ధృవీకరించిన వ్యాపారులు, సంస్థలతో లావాదేవీలపై మాత్రమే ఈ సౌకర్యం వర్తిస్తుంది. అంటే, ఈ పరిమితి వ్యక్తి నుండి వ్యాపారికి జరిగే లావాదేవీలకు మాత్రమే పెంచడం జరిగింది. మూలధన మార్కెట్, బీమా ప్రీమియం చెల్లింపు, పన్ను డిపాజిట్ వంటి రంగాలలో, ఇప్పుడు లావాదేవీకి పరిమితిని రూ. 5 లక్షలకు పెంచారు. 24 గంటల్లో మొత్తం పరిమితిని రూ. 10 లక్షలకు పెంచారు. గతంలో ఇక్కడ లావాదేవీకి పరిమితి రూ. 2 లక్షల వరకు మాత్రమే ఉండేది.
EMI, పెట్టుబడులు, ప్రభుత్వ చెల్లింపులు మొదలైన అధిక విలువ గల లావాదేవీల తక్షణ ప్రాసెసింగ్ను సులభతరం చేస్తుంది. ఇక ఈ మార్పు సాధారణ వినియోగదారుల మధ్య లావాదేవీలను ప్రభావితం చేయదు. వ్యక్తి నుండి వ్యక్తికి లావాదేవీల పరిమితి ఇప్పటికీ రోజుకు రూ. 1 లక్షగానే ఉంటుంది. అంటే, ఒక వ్యక్తి పరిచయస్తులకు లేదా కుటుంబ సభ్యునికి డబ్బు పంపాలనుకుంటే, అతను గరిష్టంగా రూ. 1 లక్ష మాత్రమే పంపించగలరు.
NPCI తీసుకున్న ఈ నిర్ణయం భారతదేశంలో డిజిటల్ చెల్లింపులను మరింత ప్రోత్సహించినట్లయింది. పెద్ద మొత్తంలో చెల్లింపులు తరచుగా ఆన్లైన్లో జరిగే పన్ను, బీమా వంటి రంగాలలో, ఈ మార్పు ప్రజలకు సౌకర్యాన్ని తీసుకువచ్చింది. దీంతో పాటు, వ్యాపారులు, పెట్టుబడిదారులకు కూడా ఇది సౌకర్యవంతంగా ఉంటుంది. ఎందుకంటే వారు ఇకపై చెల్లింపుల కోసం పదేపదే లావాదేవీలు చేయాల్సిన అవసరం ఉండదు.
కీలక UPI పరిమితి మార్పులుః
1. క్రెడిట్ కార్డ్ బిల్ చెల్లింపులుః ఒక్కో లావాదేవీ పరిమితి: ₹5 లక్షలు రోజువారీ పరిమితి: ₹6 లక్షలు
2. లోన్ & EMI చెల్లింపులుః ఒక్కో లావాదేవీకి: ₹5 లక్షలు రోజువారీ పరిమితి: ₹10 లక్షలు
3. మూలధన మార్కెట్ పెట్టుబడులు & బీమా చెల్లింపులుః కొత్త పరిమితి: లావాదేవీకి ₹5 లక్షలు రోజువారీ పరిమితి: ₹10 లక్షలు
4. ప్రయాణ చెల్లింపులుః ఒక్కో లావాదేవీకి ₹5 లక్షల వరకు
5. ప్రభుత్వ ఇ-మార్కెట్ప్లేస్ (GeM) & పన్ను చెల్లింపులుః మునుపటి పరిమితి: ₹1 లక్ష కొత్త పరిమితి: లావాదేవీకి ₹5 లక్షలు
6. బ్యాంకింగ్ సేవలుః టర్మ్ డిపాజిట్లు (డిజిటల్ ఆన్బోర్డింగ్ ద్వారా): లావాదేవీలు రోజుకు ₹5 లక్షలు (గతంలో ₹2 లక్షలు) డిజిటల్ ఖాతా తెరవడం: ₹2 లక్షల వద్దనే పరిమితి ఉంది.
7. విదేశీ మారకం (BBPS ద్వారా) పరిమితి: లావాదేవీకి ₹5 లక్షలు రోజువారీ పరిమితి: ₹5 లక్షలు
ఈ నిర్ణయం డిజిటల్ ఇండియా ప్రచారం, నగదు రహిత ఆర్థిక వ్యవస్థ వైపు మరో పెద్ద ముందడుగుగా పరిగణిస్తున్నారు. ఇప్పుడు బ్యాంకులు, చెల్లింపు సేవా సంస్థలు దీనిని ఎలా అమలు చేస్తాయో.. వినియోగదారులు దీని నుండి ఎంత ప్రయోజనం పొందగలుగుతున్నారో చూడాలి.
