వాట్సాప్ సంస్థ వినియోగదారుల కోసం ఇప్పటికే ఎన్నో రకాల ఫీచర్లను అందుబాటులోకి తీసుకువచ్చిన విషయం తెలిసిందే. ఇప్పటికే అందుబాటులోకి తీసుకువచ్చిన ఫీచర్స్ తో పాటు ఎప్పటికప్పుడు కొత్త కొత్త ఫీచర్లను వినియోగదారులకు పరిచయం చేస్తూనే ఉంది.
అందులో భాగంగానే ఇప్పుడు మరో సరికొత్త ఫీచర్ ని అందుబాటులోకి తీసుకువచ్చింది. మరి ఆ వివరాల్లోకి వెళితే.. వాట్సాప్ ఏఐ ప్రొఫైల్ పిక్చర్ జనరేటర్ యూజర్లు తమకు కావాల్సిన ఇమేజ్‌ ను టెక్స్ట్ ప్రాంప్ట్‌ ని ఉపయోగించి వివరించడం ద్వారా కస్టమ్ గ్రూప్ ప్రొఫైల్ చిత్రాలను సృష్టించవచ్చు.
అయితే ప్రస్తుతానికి ఈ ఫీచర్ పర్సనల్ ప్రొఫైల్ చిత్రాల కోసం ఉపయోగంలో ఉండదట. అలాగే వినియోగదారులు వారి గ్రూప్ నకు సంబంధించిన థీమ్, ఆసక్తులు లేదా వైబ్ ఆధారంగా వివరణలను నమోదు చేయవచ్చట. అప్పుడు ఏఐ ఇచ్చిన ప్రాంప్ట్‌ కు సరిపోయే చిత్రాన్ని రూపొందిస్తుందట అలాగే ఏఐ ఫీచర్ ఫ్యూచరిస్టిక్ టెక్, ఫాంటసీ లేదా ప్రకృతి ప్రేరేపిత డిజైన్‌ ల వంటి ముందే సెట్ చేయబడిన థీమ్ లను అందించవచ్చట. దీని వల్ల వినియోగదారులు అద్భుతమైన విజువల్స్‌ ను సృష్టించడం సులభం అవుతుందట. కాగా వాట్సాప్ ఏఐ ప్రొఫైల్ పిక్చర్ జనరేటర్ ఫీచర్ ప్రస్తుతం బీటా పరీక్షకులకు అందుబాటులో ఉంది.
అలాగే ఆండ్రాయిడ్ లోని కొంతమంది వాట్సాప్ బీటా టెస్టర్స్ ఇప్పటికే ఏఐ జనరేటెడ్ గ్రూప్ ఐకాన్‌ లకు యాక్సెస్‌ ను పొందారు. అయితే బీటా టెస్టింగ్ ప్రోగ్రామ్‌ లో భాగం కాని వినియోగదారులకు కూడా ఆండ్రాయిడ్ కోసం వాట్సాప్ కు సంబంధించిన స్థిరమైన వెర్షన్‌ లో ఈ ఫీచర్ కనిపిస్తుందట. అలాగే ఐ ఫోన్ వినియోగదారులకు మాత్రం ఈ అప్‌డేట్ ఎప్పుడు అందుబాటులోకి వస్తుందో? అనే విషయంపై అధికారిక సమాచారం లేదు. కానీ త్వరలోనే అందుబాటులోకి వస్తుందని నిపుణులు అంచనా వేస్తున్నారు టెక్ నిపుణులు.
