మనకు ఎక్కువగా లభించే వాటిల్లో పచ్చి బఠాణీలు కూడా ఒకటి. ఈ బఠాణీలను ఎక్కువగా వంటల రూపంలో తీసుకుంటూ ఉంటారు. వీటిని ఖచ్చితంగా చిన్నా, పెద్దా తీసుకోవాలి.
ఇందులో ఉండే పోషకాలు అన్నీ ఇన్నీ కావు. వీటిని తీసుకోవడం వల్ల ఎన్నో రకాల సమస్యలను తగ్గించుకోవచ్చు. పచ్చి బఠాణీలు మనకు మార్కెట్లో కూడా లభిస్తూ ఉంటాయి. అయితే వీటిని తీసుకునేటప్పుడు ఎక్స్‌పైరీ డేట్ చూసుకుని తీసుకోవడం మంచిది. కొన్ని ఫ్రోజెన్‌వి కూడా లభిస్తాయి. పచ్చి బఠాణీలు నిల్వ కూడా ఉంటాయి. కాబట్టి మనం పచ్చి బఠాణీలు తీసుకొచ్చి ఫ్రిజ్‌లో కూడా నిల్వ చేసుకోవచ్చు. ఆహారం రూపంలోనే కాదు వీటిని మనం స్నాక్స్ రూపంలో కూడా తీసుకోవచ్చు. ముఖ్యంగా ఈ బఠాణీల్లో ప్రోటీన్, ఫైబర్ శాతం ఎక్కువగా లభిస్తుంది. మరి వీటిని తినడం వల్ల ఎలాంటి లాభా ఉన్నాయో ఇప్పుడు తెలుసుకుందాం.
బరువు కంట్రోల్:
పచ్చి బఠాణీలు తినడం వల్ల బరువు అనేది అదుపులో ఉంటుంది. ఎందుకంటే ఇందులో ప్రోటీన్, ఫైబర్ శాతం ఎక్కువగా ఉంటాయి. వీటిని తీసుకోవడం వల్ల తక్కువగా తిన్నా కడుపు నిండిన ఫీలింగ్ ఉంటుంది. బఠాణీలతో చేసిన స్నాక్స్ తీసుకున్నా.. ఆకలి అనేది కంట్రోల్ అవుతుంది. కాబట్టి ఎక్కువగా ఆహారం తీసుకోలేరు. కాబట్టి బరువు అనేది అదుపులో ఉంటుంది.
రోగ నిరోధక శక్తి:
పచ్చి బఠాణీలు తినడం వల్ల శరీరంలో రోగ నిరోధక శక్తి కూడా పెరుగుతుంది. దీని వల్ల త్వరగా రోగాలతో పోరాడే శక్తి లభిస్తుంది. త్వరగా నీరసం, అసలట రాకుండా ఉంటాయి.
కంటి ఆరోగ్యం:
పచ్చి బఠాణీల్లో ఎక్కువగా మనకు జియాంథీన్, లూటీన్ వంటివి లభిస్తాయి. ఇందులో కెరోటనాయిడ్స్ అనేవి లభిస్తాయి. ఇవి హానికరమైన సూర్య రశ్మి కిరణాల నుంచి కళ్లను రక్షిస్తాయి. కంటి చూపు కూడా మెరుగు పడుతుంది. దృష్టి లోపాలు తొలగి పోతాయి. వీటితో రైస్ వంటివి కూడా తయారు చేసుకోవచ్చు. కంటికి సంబంధించిన ఎలాంటి లోపాలను అయినా తొలగించుకోవచ్చు.
గుండె ఆరోగ్యం:
పచ్చి బఠాణీలు తినడం వల్ల గుండె సంబంధిత సమస్యల నుంచి బయట పడొచ్చు. ఇందులో యాంటీ ఆక్సిడెంట్లు.. శరీరంలో పేరుకు పోయిన బ్యాడ్ కొలెస్ట్రాల్‌ను బయటకు పంపిస్తుంది. దీంతో గుండెకు రక్త ప్రసరణ అనేది సవ్యంగా జరుగుతుంది. గుండె ఆరోగ్యానికి మేలు చేసే ఆక్సిడేటీవ్ డ్యామేజ్ కాకుండా నివారిస్తుంది.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)
