ఐపీఎల్-2024లో ఒక్కో జట్టును చిత్తు చేస్తూ బ్రేకుల్లేని బుల్డోజర్లా దూసుకెళ్తోంది సన్రైజర్స్ హైదరాబాద్. ముంబై ఇండియన్స్, చెన్నై సూపర్ కింగ్స్ లాంటి టాప్ టీమ్స్ను వణికించిన కమిన్స్ సేన.. ఇప్పుడు ఆర్సీబీని ఓ ఆటాడుకోవాలని ఫిక్స్ అయింది. ఈ రెండు టీమ్స్ మధ్య ఉప్పల్ వేదికగా రేపు మ్యాచ్ జరగనుంది. ఇప్పటికే ఈ సీజన్లో 250కు పైగా స్కోర్లు మూడుసార్లు బాది ఊపు మీద ఉన్న ఆరెంజ్ ఆర్మీ.. ఆర్సీబీతో మ్యాచ్లో 300 పరుగులే టార్గెట్గా బరిలోకి దిగనుంది. ఈ మ్యాచ్లో తమ లక్ష్యం మూడొందలు అని ఎస్ఆర్హెచ్ ఓపెనర్లు ట్రావిస్ హెడ్, అభిషేక్ శర్మ కూడా చెప్పేశారు. ఈ నేపథ్యంలో కెప్టెన్ ప్యాట్ కమిన్స్ భారీ వ్యూహమే పన్నాడని తెలుస్తోంది. ఏంటా వ్యూహం? అనేది ఇప్పుడు చూద్దాం..
ఆర్సీబీతో మ్యాచ్లో నయా స్ట్రాటజీతో బరిలోకి దిగాలని కమిన్స్ ఫిక్స్ అయ్యాడట. సన్రైజర్స్ టీమ్లో బ్యాటర్లు అంతా ఫాస్ట్గా ఆడుతున్నారు. ఓపెనర్లు హెడ్, అభిషేక్ నెక్స్ట్ లెవల్ ఫామ్లో ఉన్నారు. హెన్రిచ్ క్లాసెన్ వేగంగా రన్స్ చేస్తున్నాడు. నితీష్ కుమార్ రెడ్డి, అబ్దుల్ సమద్, షాబాజ్ అహ్మద్లు ఛాన్స్ దొరికినప్పుడల్లా తమ బ్యాట్ ప్రతాపం చూపిస్తున్నారు. అయితే ఒక్క ఎయిడెన్ మార్క్రమ్ మాత్రమే నార్మల్ గేమ్ ఆడుతున్నాడు. అతడి స్ట్రైక్ రేట్ బాగానే ఉన్నా.. సన్రైజర్స్లో ఉండే హిట్టర్స్ ముందు తేలిపోతున్నాడు. అందుకే మార్క్రమ్ స్థానంలో ఓ రాక్షసుడ్ని దింపాలని నిర్ణయించుకున్నాడట సారథి కమిన్స్. కివీస్ స్టార్ ఆల్రౌండర్ గ్లెన్ ఫిలిప్స్ను ఆడించేందుకు ఇదే కరెక్ట్ టైమ్ అని భావిస్తున్నాడట.
మార్క్రమ్ స్థానంలో విధ్వంసక ఆల్రౌండర్ ఫిలిప్స్ను ఆడించాలని కమిన్స్తో పాటు ఎస్ఆర్హెచ్ మేనేజ్మెంట్ డిసైడ్ అయిందని సమాచారం. స్లోగా ఆడుతున్న మార్క్రమ్ ప్లేస్లో ఫిలిప్స్ వస్తే టీమ్కు ఇంకో భారీ హిట్టర్ దొరికినట్లు అవుతుందని అనుకుంటున్నారట. హెడ్, అభిషేక్ ఎలాగూ మంచి స్టార్ట్స్ ఇస్తున్నారు. ఆ తర్వాత ఫిలిప్స్ కూడా చెలరేగితే మిగతా పనిని క్లాసెన్, ఇతర బ్యాటర్లు చూసుకుంటారనేది కమిన్స్ ఆలోచనగా కనిపిస్తోంది. ఫిలిప్స్ టీమ్లోకి వస్తే ఎక్స్ట్రా బౌలింగ్ ఆప్షన్ కూడా యాడ్ అవుతుంది. ఫీల్డింగ్లో ఈ కివీస్ స్టార్ ఎంత తోపు అనేది ప్రత్యేకంగా చెప్పనక్కర్లేదు. ఈ విషయం తెలిసిన నెటిజన్స్ ఉన్న విధ్వంసకారులు చాలక.. ఫస్ట్ బాల్ నుంచే విరుచుకుపడే రాక్షసుడ్ని తీసుకొస్తున్నారా? ఇక ఆర్సీబీ పని అంతే అని కామెంట్స్ చేస్తున్నారు.
