వేసవికాలం తీవ్రత పెరిగింది. ఇంకొన్ని రోజుల్లో అది విశ్వరూపం చూపిస్తుంది. ఇప్పటికే మండిపోతున్న ఎండల కారణంగా ప్రజలు ఇబ్బందులు ఎదుర్కొంటున్నారు. శరీరంలో నీటిశాతం దారుణంగా పడిపోతోంది. దీని కారణంగా వడదెబ్బ కూడా సులభంగా వచ్చే ప్రమాదం ఉంటుంది. అలా కాకుండా ఈ వేసవిలో శరీరం రోజంతా హైడ్రేట్ గా ఉండాలన్నా, ఎండ వేడిమి నుండి బయటపడాలన్నా శరీరాన్ని హైడ్రేట్ గా ఉంచే పానీయాలు తీసుకోవడం మంచిది. వేసవిలో శరీరాన్ని హైడ్రేట్ గా ఉంచే 5 సూపర్ పానీయాలు కింద ఇవ్వబడ్డాయి. వీటిని తీసుకుంటే అలసట అనేది మిమ్మల్ని టచ్ చేయదు..
కొబ్బరి నీరు..
వేసవిలో ఎక్కువ డిమాండ్ కొబ్బరి నీటికే.. వేసవిలో విరేచనానికి వెళ్లినప్పుడు, రోజువారీ వ్యాయామం చేసినప్పుడు శరీరం నీటిశాతాన్ని చాలా కోల్పోతుంది. శరీరం కోల్పోయిన నీటిని తిరిగి భర్తీ చేయాలన్నా, శరీరానికి శక్తి లభించాలన్నా కొబ్బరినీరు ది బెస్ట్. కొబ్బరి నీటిలో డీహైడ్రేషన్ ను నిరోధించే ఎలక్ట్రోలైట్లు ఉంటాయి.
నిమ్మరసం..
విటమిన్-సి పుష్కలంగా కలిగిన నిమ్మరసం వేసవిలో రిఫ్రెష్ మూడ్ ఇస్తుంది. విటమిన్-సి గొప్ప యాంటీ ఆక్సిడెంట్ కావడంతో రోగనిరోధక శక్తిని పెంచి, చర్మాన్ని ఆరోగ్యంగా ఉంచుతుంది. బరువు తగ్గడంలో కూడా సహాయం చేస్తుంది.
ఇన్ఫ్యూజ్డ్ డ్రింక్స్..
ఇన్ఫ్యూజ్డ్ డ్రింక్స్ శరీరంలో టాక్సిన్లను బయటకు పంపడంలో సహాయపడుతుంది. దోసకాయ, స్ట్రాబెర్రీ, పుదీనా, అల్లం, నారింజ వంటి కూరగాయలు, పండ్లు, ఆకులు మొదలైనవి ఇన్ఫ్యూజ్డ్ డ్రింక్స్ తయారీకి ఉపయోగించవచ్చు. ఇవన్నీ కొన్ని గంటల పాటూ నీటిలో ఉంచి ఆ తరువాత ఆ నీటిని తాగాలి.
దానిమ్మ జ్యూస్..
దానిమ్మ రసం శరీరాన్ని హైడ్రేట్ గా ఉంచుతుంది. ఇది గుండె, మెదడు, ప్రోస్టేట్ ఆరోగ్యాన్ని మెరుగుపరుస్తుంది. చెమట రూపంలో శరీరం కోల్పోయే నీటిని తిరిగి భర్తీ చేయడంలో దానిమ్మ సహాయపడుతుంది. శరీరానికి ఐరన్ ను కూడా బాగా అందిస్తుంది.
గ్రీన్ టీ..
గ్రీన్ టీ శరీరానికి రిఫ్రెష్ అనుభూతిని ఇస్తుంది. ఇందులో యాంటీఆక్సిడెంట్లు పుష్కలంగా ఉంటాయి. ఇవి బరువు తగ్గడానికి, శరీరాన్ని డిటాక్స్ చేయడానికి కూడా సహాయపడతాయి.
(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
