IBPS calendar 2024 : 2024 ఏడాదిలో నిర్వహించే వివిధ పరీక్షలకు సంబంధించిన టెంటెటివ్ (తాత్కాలిక) క్యాలెండర్ని విడుదల చేసింది ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్ (ఐబీపీఎస్).
అభ్యర్థులు ibps.in వెబ్సైట్లోకి వెళ్లి పూర్తి వివరాలను తెలుసుకోవచ్చు.
ప్రాంతీయ గ్రామీణ బ్యాంకుల్లో (ఐబీపీఎస్ ఆర్ఆర్బీ క్లర్క్, ఆర్ఆర్బీ పీవో) ఆఫీస్ అసిస్టెంట్స్, ఆఫీసర్ స్కేల్-1 ప్రిలిమినరీ పరీక్షను 2024 ఆగస్టు 3, 5, 10, 17, 18 తేదీల్లో నిర్వహించనున్నారు.
ఆఫీసర్స్ స్కేల్ 2, 3లకు ఒకే పరీక్షతో పాటు, ఆఫీసర్స్ స్కేల్ 1 మెయిన్ పరీక్షను సెప్టెంబర్ 29న నిర్వహించనున్నారు. ఆఫీస్ అసిస్టెంట్ పోస్టులకు అక్టోబర్ 6న మెయిన్ పరీక్ష జరగనుంది.
IBPS Clerk exam date :
ఐబీపీఎస్ పీవో ప్రిలిమ్స్ పరీక్షను అక్టోబర్ 19, 20 తేదీల్లో, మెయిన్ పరీక్షను నవంబర్ 30న నిర్వహించే అవకాశం ఉంది. ఐబీపీఎస్ ఎస్వో ప్రిలిమ్స్ పరీక్ష.. సెప్టెంబర్ 9న, మెయిన్ పరీక్ష డిసెంబర్ 14న జరగనుంది.
ఐబీపీఎస్ క్లర్క్ ప్రిలిమ్స్ పరీక్షను ఆగస్టు 24, 25, 31 తేదీల్లో, మెయిన్ పరీక్షను అక్టోబర్ 13న నిర్వహించనున్నారు.
ఈ పరీక్షలకు సంబంధించిన పూర్తి నోటిఫికేషన్ని రానున్న రోజుల్లో ibps.in వెబ్సైట్లో విడుదల చేయనున్నారు.
IBPS PO exam date latest news :
ఆన్లైన్ విధానంలో మాత్రమే రిజిస్ట్రేషన్ ప్రక్రియ ఉంటుంది. ప్రిలిమినరీ, మెయిన్ పరీక్షలకు ఒకే రిజిస్ట్రేషన్ ఉంటుందని ఐబీపీఎస్ తెలిపింది.
పరీక్షలకు దరఖాస్తు చేసుకోవడానికి అవసరమైన డాక్యుమెంట్లు ఇవి:
దరఖాస్తుదారుని ఫోటో ( .jpeg ఫైల్) – దరఖాస్తుదారుడి సంతకం (10 కేబీనుంచి 20 కేబీ)
దరఖాస్తుదారుని వేలిముద్ర ( .jpeg ఫైల్ లో- 20 కేబీ నుంచి 50 కేబీ మధ్యలో ఉండాలి)
చేతిరాత డిక్లరేషన్ స్కాన్ కాపీ (- .jpeg ఫైల్ లో 50 కేబీ నుంచి 100 కేబీ మధ్యలో ఉండాలి).
అయితే.. ఇది టెంటెటివ్ క్యాలెండర్ మాత్రమే. భవిష్యత్తులో ఏదైనా సమస్య తలెత్తితే, వీటిని మార్చే అవకాశం ఉందని గుర్తుపెట్టుకోవాలి.
సెంట్రల్ బ్యాంక్లో జాబ్స్..
సెంట్రల్ బ్యాంక్ ఆఫ్ ఇండియా 484 సఫాయి కర్మచారి కమ్ సబ్-స్టాఫ్ మరియు/లేదా సబ్-స్టాఫ్ పోస్టుల కోసం అప్లై చేయడానికి లాస్ట్ డేట్ జనవరి 9. అర్హత 8వ తరగతి పాస్ మాత్రమే. ఆసక్తి, అర్హత ఉన్న అభ్యర్థులు సెంట్రల్ బ్యాంక్ ఆఫ్ ఇండియా అధికారిక వెబ్‌సైట్‌ centralbankofindia.co.in ద్వారా ఆన్‌లైన్‌లో దరఖాస్తు చేసుకోవచ్చు. పూర్తి వివరాల కోసం ఇక్కడ క్లిక్ చేయండి.
