కిచెన్‌లో, బాత్రూమ్‌లో మనం నిత్యం ఉపయోగించే వాటిల్లో కుళాయిలు కూడా ఒకటి. కుళాయిలు వాడేకొద్దీ మరకలు పడి చిరాకుగా కనిపిస్తాయి. ఇంటిని ఎలా క్లీన్ చేస్తామో..
అలాగే కుళాయిలను కూడా క్లీన్ చేస్తూ ఉండాలి. లేదంటే వాటికి నాచు పట్టేస్తాయి. ఇలాంటి వీటిని వాడటం వల్ల రోగాలు కూడా వస్తాయి.
ఇలాంటి మరకలు పట్టిన కుళాయిలను కొన్ని రకాల చిట్కాలతో ఈజీగానే క్లీన్ చేసుకోవచ్చు. వీటి వలన శుభ్రపడి.. మళ్లీ కొత్త వాటిలా మెరుస్తాయి. కుళాయిలను క్లీన్ చేయడంలో నిమ్మకాయ, వెనిగర్, బ్లీచింగ్, బేకింగ్ సోడా, సర్ఫ్ ఎంతో చక్కగా పని చేస్తాయి. మరి వీటిని ఎలా ఉపయోగించాలో ఇప్పుడు చూద్దాం.
ముందుగా ఒక మగ్గులోకి నీటిని తీసుకోండి. అందులో ఒక నిమ్మకాయ మొత్తం పిండండి. అందులోనే వైట్ వెనిగర్ నాలుగు స్పూన్లు వేసి మొత్తం కలపండి. ఈ లిక్విడ్‌ని కుళాయిలపై చల్లండి. ఇప్పుడు స్క్రబ్బర్ ఒకటి తీసుకుని వాటిపై రుద్దండి. ఆ తర్వాత మంచి నీటితో కలిపితే పోతుంది.
అలాగే కొద్దిగా నీటిని తీసుకోండి. అందులో బేకింగ్ సోడా, నిమ్మరసం వేసి బాగా మిక్స్ చేయండి. ఇందులో మరీ నీటిని ఎక్కువగా వేయకూడదు. ఇప్పుడు ఈ మిశ్రమాన్ని కుళాయిలపై వేసి చల్లండి. ఆ తర్వాత స్క్రబ్బర్‌తో రుద్దితే మరకలు పోతాయి.
అదే విధంగా కొద్ది నీటిలో బేకింగ్ సోడా, కొద్దిగా సర్ఫ్ కలుపుకోవాలి. ఈ మిశ్రమాన్ని కుళాయిలపై వేసి కాసేపు అలాగే వదిలేయండి. ఆ తర్వాత స్క్రబ్బర్‌తో రుద్దితే మరకలు త్వరగా పోతాయి. అంతే ఇలా చేయడం వలన మరకలు ఈజీగా పోతాయి.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. )
