లక్షాధికారిని చేసే LIC పాలసీ.. నెలకు 10 వేల పెట్టుబడితో చేతికి 18 లక్షలు
ప్రభుత్వ రంగానికి చెందిన దిగ్గజ బీమా సంస్థ లైఫ్ ఇన్సూరెన్స్ కార్పోరేషన్ ఆఫ్ ఇండియా ప్రజల కోసం అద్భుతమైన పాలసీలను తీసుకొస్తుంది. ఈ పాలసీల్లో పొదుపు చేయడం ద్వారా బీమా కవరేజీతో పాటు గ్యారంటీ రిటర్న్స్ ను అందుకోవచ్చు.
ఎల్ఐసీ కోట్లాది మంది పాలసీదారులను కలిగి ఉంది. ఎల్ఐసీ పాలసీల్లో పొదుపు చేస్తే మీ డబ్బుకు భద్రత ఉంటుంది. ప్రజల కోసం ఎప్పటికప్పుడు నూతన పాలసీలను ప్రవేశపెడుతూ ఉంటుంది. ఈ క్రమంలో ఎల్ ఐసీలో పొదుపు చేయాలనుకునే వారికి అదిరిపోయే పాలసీ అందుబాటులో ఉంది. ఆ పాలసీనే ఎల్ఐసీ బీమా జ్యోతి పాలసీ. ఇందులో పొదుపు చేస్తే లక్షాధికారి అయిపోవచ్చు. నెలకు రూ. 10 వేలు పొదుపు చేస్తే చేతికి ఏకంగా రూ. 18 లక్షలు వస్తాయి.
ఎల్ఐసీ బీమా జ్యోతి పాలసీతో రెండు విధాల ప్రయోజనాలను పొందొచ్చు. బీమా కవరేజీతో పాటు పెట్టుబడికి అవకాశం కల్పిస్తోంది, డెత్ కవరేజీ అందిస్తుంది. పాలసీ వ్యవధిలో పాలసీ తీసుకున్న వ్యక్తి మరణిస్తే నామినీకి ప్రాథమిక డిపాజిట్‌లో 125 శాతం లేదా వార్షిక ప్రీమియంకు 7 రెట్లు ముట్టచెప్తుంది. 90 రోజుల వయసుగల పసి పాప నుంచి 60 సంవత్సరాల వయసు గల వారు ఈ పాలసీలో చేరొచ్చు. ఎల్ఐసీ బీమా జ్యోతి ప్లాన్ కనీసం హామీ మొత్తం రూ.1 లక్షగా ఉంది. గరిష్ఠ పరిమితి లేదు. ఎల్ఐసీ ద్వారా లాభాలు పొందాలనుకునే వారు ఈ పాలసీలో పొదుపు చేయడం బెస్ట్ అంటున్నారు నిపుణులు.
10 వేల పెట్టుబడితో.. చేతికి 18 లక్షలు
ఎల్ ఐసీలో పొదుపు చేయాలనుకునే వారు ఎల్ఐసీ బీమా జ్యోతి ప్లాన్ లో నెలకు రూ. 10 వేలు పొదుపు చేస్తే లక్షల్లో లాభం పొందొచ్చు. కేవలం 10 సంవత్సరాలు పొదుపు చేస్తే సరిపోతుంది. అంటే 10 ఏళ్లపాటు నెలకు రూ. 10వేల చొప్పున డిపాజిట్ చేయాల్సి ఉంటుంది. దీంతో మీ పెట్టుబడి మొత్తం రూ. 12 లక్షలు అవుతుంది. ఈ పెట్టుబడి సొమ్ముపై వార్షికంగా 7.5 శాతం వడ్డీని అందిస్తోంది. ఇక మెచ్యూరిటీ సమయానికి అంటే 15 ఏళ్ల తర్వాత మీకు 17 లక్షల 90 వేల వరకు చేతికి అందుతాయి. అయితే మీరు ఈ పాలసీలో పొదుపు చేసి 5 ఏళ్లు వేచి చూడాల్సి ఉంటుంది. పూర్తి సమాచారం కోసం సమీపంలోని ఎల్ఐసీ బ్రాంచ్ ను సంప్రదించి అన్ని వివరాలను పొందొచ్చు.
