ప్రస్తుతం తెలంగాణ వ్యాప్తంగా చాలా మంది ఆతృతగా ఎదురుచూస్తున్నది కొత్త రేషన్ కార్డుల కోసం. దాదాపు పది సంవత్సరాల నుంచి ఈ కార్డుల కోసం వెయిట్ చేస్తున్నారు. ఎలాంటి సంక్షేమాలు పథకాలు లబ్ధి పొందాలన్నా ఈ కార్డు తప్పనిసరిగా ఉండాల్సిందే. ఈ క్రమంలోనే తెలంగాణ ప్రభుత్వం కొత్త రేషన్ కార్డుల కోసం దరఖాస్తు చేసుకోమని చెప్పడంతో మీ సేవ కేంద్రాల వద్ద భారీ సంఖ్యలో ప్రజలు వీటికి అప్లై చేసుకుంటున్నారు.
కేవలం కొత్త రేషన్ కార్డులు మాత్రమే కాకుండా పాత కార్డులలో పేర్లు యాడ్ చేసుకునే అవకాశం కూడా కల్పించింది. అయితే, కొత్త రేషన్ కార్డుల కోసం అందరూ దరఖాస్తు చేసుకుంటున్నారు కానీ, దాని స్టేటస్ ఏంటి? అప్రూవ్ లేదా రిజెక్ట్ అయ్యిందా? అనే విషయం చాలా మందికి తెలియడం లేదు. దీంతో ఆ వివరాలు తెలుసుకునేందుకు మీసేవ కేంద్రాల చుట్టూ తిరుగుతున్నారు. అలాంటి వారు ఇకపై జస్ట్ ఒక్క క్లిక్తో కేవలం ఇంట్లో నుంచే మీ రేషన్ కార్డ్ అప్లికేషన్ స్టేటస్ తెలుసుకోవచ్చు. అంతేకాకుండా కొత్త పేర్లు యాడ్ అయ్యాయో? లేదో కూడా తెలుసుకోవచ్చు. అందుకోసం ఈ స్టోరీపై ఓ లుక్కేయండి.
రేషన్ కార్డు కోసం మార్గదర్శకాలు: కొత్త రేషన్ కార్డు కావాల్సిన వారు గతంలో మండల కేంద్రంలోని రెవెన్యూ కార్యాలయానికి వెళ్లే వారు. ఇప్పుడు కూడా చాలా మంది ఇదే పద్ధతి ఫాలో అవుతున్నారు. కానీ, రేషన్ కార్డ్కు అప్లై చేసుకునేందుకు ఎమ్మార్వో ఆఫీసుకు కాకుండా మీసేవ కేంద్రానికి వెళ్లాలని ప్రభుత్వం సూచిస్తోంది. మీ సేవ కేంద్రంలో కేవలం రూ.45 చెల్లించి అప్లై చేసుకోవాలి. మీ సేవలో అప్లై చేసుకున్న తర్వాత సంబంధిత అధికారులు, సిబ్బంది మీ చిరునామాకు వచ్చి పూర్తి వివరాలు సేకరిస్తారు. ఆ తర్వాత ప్రభుత్వ పరిశీలనకు వెళ్తే కొత్త రేషన్ కార్డ్ మంజూరు అవుతుంది.
అప్లికేషన్ స్టేటస్ ఎలా చెక్ చేయాలి:
ముందుగా మీ ఫోన్లో తెలంగాణ ఫుడ్ సెక్యూరిటీ కార్డ్స్ అధికారిక వెబ్సైట్ను ఓపెన్ చేయాలి. https://epds.telangana.gov.in/FoodSecurityAct/
స్క్రీన్ మీద Ration Card Search అనే ఆప్షన్ కనిపిస్తుంది. దానిపై క్లిక్ చేయగానే FSC Search, FSC Application Search, Status of Rejected Ration Card Search ఆఫ్షన్లు కనిపిస్తాయి. అందులో FSC Application Search మీద క్లిక్ చేయాలి.
అప్పుడు మీ-సేవా అప్లికేషన్ సెర్చ్ విండో ఓపెన్ అవుతుంది.
అందులో ముందుగా జిల్లా సెలెక్ట్ చేసుకుని, Mee Seva No బాక్స్పై క్లిక్ చేయాలి.
ఆ అప్లికేషన్ నెంబర్ బాక్సులో దరఖాస్తు సమయంలో ఇచ్చిన మీ సేవ రసీదులోని అప్లికేషన్ నెంబర్ను ఎంటర్ చేసి Search బటన్ క్లిక్ చేయాలి.
మీ అప్లికేషన్‌కు సంబంధించిన స్టేటస్ వివరాలు కింద కనిపిస్తాయి. Apporved అని ఉంటే మీకు రేషన్ కార్డు వచ్చినట్లే. ఒకవేళ Pending అని ఉంటి మరికొంచెం సమయం పడుతుంది.
ఒకవేళ ఎవరిదైన రేషన్ కార్డు రిజెక్ట్ అయితే దాని స్టేటస్ తెలుసుకునేందుకు Status of Rejected Ration Card మీద క్లిక్ చేసి రేషన్ కార్డు నెంబర్ ఎంటర్ చేసి సెర్చ్ బటన్ మీద క్లిక్ చేస్తే చాలు అందుకు సంబంధించిన వివరాలు కనిపిస్తాయి.
రేషన్ కార్డుల్లో పేర్లు యాడ్ అయ్యాయో తెలుసుకునేందుకు:
ముందుగా తెలంగాణ ఫుడ్ సెక్యూరిటీ కార్డ్స్ అధికారిక వెబ్సైట్ను ఓపెన్ చేయాలి. https://epds.telangana.gov.in/FoodSecurityAct/
స్క్రీన్ మీద Ration Card Search అనే ఆప్షన్ కనిపిస్తుంది. దానిపై క్లిక్ చేయగానే FSC Search, FSC Application Search, Status of Rejected Ration Card Search ఆఫ్షన్లు కనిపిస్తాయి.
అందులో FSC Search మీద క్లిక్ చేయాలి.
ఆ పేజీలో FSC Ref No లేదా రేషన్ కార్డ్ లేదా పాత రేషన్ కార్డ్ నెంబర్ ఎంటర్ చేసి Search పై క్లిక్ చేయాలి.
అప్పుడు స్క్రీన్ మీద మీ రేషన్ కార్డుకు సంబంధించిన వివరాలు కనిపిస్తాయి. వాటిని బట్టి అందులో పేర్లు యాడ్ అయ్యాయో లేదో తెలుసుకోవచ్చు.
