వివిధ పోస్టల్ సర్కిళ్లలో భారీ సంఖ్యలో ఉద్యోగాలకు నోటిఫికేషన్ సిద్ధమవుతోంది. గ్రామీణ డాక్ సేవక్ (Gramin Dak Sevak) ఉద్యోగాల భర్తీకి పోస్టల్ డిపార్ట్‌మెంట్ రెడీ అవుతోందని సమాచారం.
ఈ ఏడాదికి సంబంధించిన నోటిఫికేషన్ ఇప్పటికే విదుల కావాల్సి ఉండగా.. కొన్ని కారణాల వల్ల బ్రేక్‌ పడింది. గతేడాది India Post GDS Recruitment ద్వారా జనవరిలో 40వేల ఖాళీలకు నోటిఫికేషన్ విడుదల చేశారు. ఇదే బాటలో ఈ ఏడాది కూడా భారీ సంఖ్యలో జాబ్ నోటిఫికేషన్ సిద్ధం చేస్తున్నారట.
ఈ సారి 30 వేల పోస్టుల భర్తీ చేపట్టనున్నారట. ఈ ఉద్యోగాలకు 10వ తరగతి ఉత్తీర్ణత సాధించిన అభ్యర్థులు అప్లై చేసుకోవచ్చు. 10వ తరగతిలో సాధించిన మార్కుల ఆధారంగానే ఈ నియామకాలు జరుగుతాయి. అభ్యర్థుల వయసు 18 నుంచి 40 ఏళ్ల మధ్య ఉండాలి. ఎస్సీ, ఎస్టీలకు ఐదేళ్లు, ఓబీసీలకు మూడేళ్లు, దివ్యాంగులకు పదేళ్లు వయోపరిమితి సడలింపు ఉంటుంది. ఈ జాబ్‌కి ఎంపికైనవారు బ్రాంచ్‌పోస్టు మాస్టర్‌ (BPM), అసిస్టెంట్‌బ్రాంచ్‌పోస్టు మాస్టర్‌ (ABPM), డాక్ సేవక్ హోదాల్లో విధులు నిర్వహించాల్సి ఉంటుంది.
ఈ పోస్టులకు ఎంపికైనవారు రోజుకు నాలుగు గంటలు పనిచేస్తే సరిపోతుంది. ఆసక్తి ఉన్నవారు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది. త్వరలో పూర్తిస్థాయి నోటిఫికేషన్ విడుదల చేసి.. రీజియన్ల వారీగా ఖాళీలు, ముఖ్యమైన తేదీల వివరాలు తెలియజేస్తారు. ఈ రిక్రూట్‌మెంట్‌లో సెలెక్ట్ అయిన వారికి పోస్టును బట్టి రూ. 10 వేల నుంచి రూ. 12 వేల వరకు ప్రారంభ వేతనం ఉంటుంది.
