ప్రముఖ స్మార్ట్ ఫోన్‌ తయారీ సంస్థ సామ్సంగ్ ప్రీమియం సెగ్‌మెంట్‌లో అదిరిపోయే ఫోన్‌లను తీసుకొచ్చింది. w సిరీస్‌లో భాగంగా సామ్సంగ్ డబ్ల్యూ25, డబ్ల్యూ25 ఫ్లిప్‌ పేరుతో రెండు ఫోన్‌లను మార్కెట్లోకి తీసుకొచ్చారు.
ఈ కొత్త ఫోల్డబుల్‌ స్మార్ట్‌ఫోన్‌ను సిరామిక్ బ్లాక్ బ్యాక్ ప్యానెల్‌తో విడుదల చేశారు. సామ్సంగ్ W25 ఫ్లిప్‌ స్మార్ట్ ఫోన్‌లో 6.7 ఇంచెస్‌తో కూడిన మెయిన్‌ స్క్రీన్‌ను అందించారు. అలాగే 3.4 ఇంచెస్‌తో కూడిన ఔటర్‌ డస్‌ప్లేను ఇచ్చారు.
ఇక కెమెరా విషయానికొస్తే ఈ స్మార్ట్ ఫోన్‌లో 50 మెగాపిక్సెల్స్‌తో కూడిన రెయిర్‌ కెమెరాను అందించారు. ఏఐ ఆటో ఫోకస్‌ ఈ ఫోన్‌ ప్రత్యేకతగా చెప్పొచ్చు. ఇందులో 2 ఎ్స్‌ ఆప్టికల్‌ జూమ్‌ సపోర్ట్‌ను ఇచ్చారు.
ఈ రెండు ఫోన్‌లు కూడా స్నాప్‌డ్రాగన్ 8 ఎలైట్ ప్రాసెసర్‌తో పనిచేస్తాయి. ఈ ఫోన్‌ అద్భుతమైన మల్టీ టాస్కింగ్‌కు సపోర్ట్‌ చేస్తుంది. మెరుగైన కనెక్టివిటీ కోసం మంచి ఫీచర్లను ఈ ఫోన్‌లో అందించారు. ప్రస్తుతం బుకింగ్స్‌ ప్రారంభం కాగా త్వరలో అందుబాటులోకి రానున్నాయి.
