మనిషి జీవితానికి చివరి మజిలీ మరణమే – ఇది అందరికీ తెలిసిన విషయం. చనిపోయిన వ్యక్తి తిరిగి బతుకుతాడనేది సాధ్యం కాదనీ కూడా మనకు తెలుసు. అయితే, మరణం తర్వాత ఏమి జరుగుతుందో తెలుసుకోవడానికి వందలాది ఏళ్లుగా పరిశోధనలు కొనసాగుతున్నాయి.
కొన్ని అధ్యయనాల ప్రకారం, మరణం తర్వాత “ఆత్మ” శరీరాన్ని వదిలి వెళ్లిపోతుంది. ఇంకా, మృత దేహాన్ని తిరిగి బతికించే ప్రయత్నాలు కూడా జరుగుతున్నాయి, కానీ అవి ఇంకా ప్రయోగాత్మక దశలోనే ఉన్నాయి. అయినప్పటికీ, అమెరికాకు చెందిన శాస్త్రవేత్త ష్యామ్ పర్నియా (NYU యూనివర్సిటీ) మరణం అనేది మనిషి జీవితానికి అంతం కాదని, మృతులను తిరిగి బతికించవచ్చని చెబుతున్నారు.
ఆయన మాటల్లో:
“ఇంతకాలం మరణం గురించి మనకు తెలిసినదంతా తప్పు. మరణం అంతం కాదు. మృత దేహాన్ని తిరిగి బతికించడం సాధ్యమే. మరణించిన తర్వాత కూడా మెదడు కొన్ని గంటలు లేదా రోజుల వరకు పనిచేస్తుంది. దాన్ని పునరుద్ధరించవచ్చు. మీరు నమ్మినా నమ్మకపోయినా, సైన్స్ ఇప్పుడు ‘పోస్ట్-మార్టమ్’ స్థితిని అధిగమించింది. ప్రస్తుత సైద్ధాంతిక ప్రకారం, మరణం తర్వాత కొన్ని రోజుల్లో కణాలు కుళ్ళిపోతాయి. కానీ, మరణించిన వెంటనే మెదడును సంరక్షించినట్లయితే, రక్తప్రసరణ ఆగినా, ఆక్సిజన్ లేకపోయినా కూడా దాన్ని పునరుద్ధరించవచ్చు.
శరీర కణాలు పూర్తిగా నశించనంత వరకు, మరణించిన వ్యక్తిని తిరిగి బతికించడం సాధ్యం. ఈసీఎమ్ఓ (ECMO) యంత్రాలు మరియు కొన్ని మందుల సహాయంతో ఇది సాధ్యమవుతుంది.”
హోండురాస్ ద్వీపంలో పరిశోధన:
సెంట్రల్ అమెరికా లోని హోండురాస్ తీరానికి 40 మైళ్ల దూరంలో ఉన్న రోటన్ ద్వీపంలో, మరణాన్ని జయించే పరిశోధనలు జరిగాయి. మినీసర్కిల్ బయోటెక్ కంపెనీ మరణాన్ని అధిగమించే ఒక ఇంజెక్షన్‌ను కనుగొన్నట్టు ప్రకటించింది. ఈ ఇంజెక్షన్ DNA అణువులను మార్చి, శరీరం యొక్క స్వీయ-రిపేరింగ్ సామర్థ్యాన్ని సక్రియం చేస్తుంది. యవ్వనాన్ని నిలుపుకోవడానికి ప్రతి సంవత్సరం 30 కోట్ల రూపాయలు ఖర్చు చేస్తున్న బ్రయాన్ జాన్సన్ ఈ ఇంజెక్షన్ తీసుకున్నాడట.
