అగరుబత్తులు మన ఇళ్లలో మరియు దేవాలయాలలో పూజ కోసం వాడే ముఖ్యమైన వస్తువు. అయితే, దీని నుండి వచ్చే సువాసన భరితమైన పొగ, చాలా మందిలో శ్వాసకోశ మరియు నరాల సంబంధిత సమస్యలను కలిగిస్తుందని మీకు తెలుసా?
ఆ వివరాలు ఇక్కడ ఉన్నాయి:
- కణాలలో విషపూరితం: అగరుబత్తులు వెలిగించినప్పుడు అవి గాలిని కలుషితం చేయడమే కాకుండా, శరీరానికి హాని చేసే రసాయనాలను విడుదల చేస్తాయి. ఇవి కణాలలో విషపూరిత స్వభావాన్ని పెంచి, జన్యుపరమైన మార్పులకు కారణమవుతాయి.
- శ్వాసకోశ సమస్యలు: ఈ పొగ పీల్చడం వల్ల చాలా మందిలో దగ్గు, ఆయాసం వస్తాయి. కొన్ని పరిశోధనల ప్రకారం, అగరుబత్తుల పొగ సిగరెట్ పొగ అంతగా ఊపిరితిత్తులను దెబ్బతీస్తుంది.
- ఊపిరితిత్తుల క్యాన్సర్: ఈ పొగ నేరుగా ఊపిరితిత్తులలోకి వెళ్లి చికాకును కలిగిస్తుంది, ఇది దీర్ఘకాలంలో క్యాన్సర్కు దారితీయవచ్చు.
- ఆస్తమా: గాలి కాలుష్యం మరియు పొగ వల్ల ఊపిరితిత్తుల కణాలలో వాపు ఏర్పడుతుంది, ఇది ఆస్తమా వచ్చే అవకాశాలను పెంచుతుంది.
- చర్మ సమస్యలు: ఈ పొగలోని రసాయనాలు చర్మ రంధ్రాల ద్వారా లోపలికి వెళ్లి, చర్మంపై దద్దుర్లు లేదా అలర్జీలను కలిగిస్తాయి.
- పిల్లలపై ప్రభావం: గర్భిణీ స్త్రీలు అగరుబత్తుల పొగకు దూరంగా ఉండటం మంచిది. ఇది పుట్టబోయే పిల్లల ఆరోగ్యంపై ప్రభావం చూపి, వారిలో ‘ల్యుకేమియా’ (రక్త క్యాన్సర్) వచ్చే ప్రమాదం ఉందని వైద్యులు చెబుతున్నారు.
- నరాల రుగ్మతలు: ఈ పొగ వల్ల విడుదలయ్యే కార్బన్ మోనాక్సైడ్ నరాల వ్యవస్థపై ప్రభావం చూపుతుంది. దీనివల్ల ఏకాగ్రత తగ్గడం, మతిమరుపు వంటి సమస్యలు రావచ్చు.
- తలనొప్పి: తక్కువ మొత్తంలో కార్బన్ మోనాక్సైడ్ పీల్చినా తలనొప్పి, వికారం, కళ్ళు తిరగడం వంటివి సంభవిస్తాయి.
- గుండె జబ్బులు: నిరంతరం ఈ పొగను పీల్చే వారికి గుండె జబ్బులు వచ్చే అవకాశం 12% ఎక్కువగా ఉంటుందని, హార్ట్ ఎటాక్ వచ్చే ప్రమాదం 19% ఉంటుందని అంచనా.
ముఖ్య సూచన: అగరుబత్తులకు బదులుగా సహజసిద్ధమైన సాంబ్రాణిని వాడటం ఆరోగ్యానికి మంచిది.
