మాంసాహారాన్ని రుచి కోసం ఎంతోమంది ఇష్టపడతారు. అయితే మాంసం తినేటప్పుడు ఇతర ఆహార పదార్థాలు జోడించడం వల్ల జీర్ణ సమస్యలు, అలర్జీలు లాంటి ఆరోగ్య ఇబ్బందులు తలెత్తే అవకాశం ఉంటుంది.
అటువంటి వాటిలో కొన్ని ముఖ్యమైన ఆహారాల గురించి ఇప్పుడు తెలుసుకుందాం.
పాల ఉత్పత్తులు
మాంసం తిన్న తర్వాత పాలు, పెరుగు, మజ్జిగ లాంటి పాల ఆధారిత ఆహారాలు తీసుకోవడం వల్ల శరీరంలో జీర్ణ ప్రక్రియ మందగిస్తుంది. పాలు చల్లని స్వభావం కలిగి ఉంటాయి. ఇవి మాంసంలోని ప్రొటీన్లతో కలిసి అజీర్ణానికి దారితీస్తాయి. ముఖ్యంగా చేపలతో పాలు కలిపి తినడం వల్ల ఫుడ్ అలర్జీలు, తిమ్మిరి, చర్మ సంబంధిత సమస్యలు ఏర్పడే ప్రమాదం ఉంది.
ఆకుకూరలు
ఆకుకూరలు పోషక విలువలతో నిండినవే అయినా.. మాంసంతో కలిపి తినడం కొన్ని సమస్యలకు దారితీస్తుంది. ముఖ్యంగా కొన్ని ఆకుకూరల్లో ఉండే ఆక్సాలిక్ ఆసిడ్.. మాంసంలోని కాల్షియంతో కలిసిపోయి శరీరానికి ఆ పోషకాలు అందకుండా చేస్తుంది. ఇది పోషక లోపాలకు దారితీస్తుంది. ఆయుర్వేదం ప్రకారం కూడా ఈ రెండు వేర్వేరు రకాల ఆహారాలు. కాబట్టి సమయం తేడాతో తినాలి.
సిట్రస్ పండ్లు
నిమ్మకాయ, నారింజ, ద్రాక్ష లాంటి పుల్లని పండ్లను మాంసాహారంతో కలిపి తినడం వల్ల గ్యాస్, మంట, ఉబ్బరం లాంటి జీర్ణ సంబంధిత ఇబ్బందులు తలెత్తవచ్చు. వీటిలో ఉండే ఆమ్లాలు, మాంసంలో ఉండే ప్రొటీన్లను సరిగా జీర్ణం కాకుండా చేస్తాయి. మాంసం తిన్న తరువాత ఈ రకమైన పండ్లు తినడం వల్ల అజీర్ణ సమస్యలు ఎదురవుతాయి.
తేనె
తేనెను మాంసంతో కలిపి తినడం వల్ల శరీరంలో వేడి పెరుగుతుంది. మాంసం కూడా సహజంగానే శరీరాన్ని వేడి చేస్తుంది కాబట్టి.. ఈ రెండింటి కలయికతో జీర్ణ సమస్యలు తలెత్తే అవకాశం ఉంది. అంతేకాకుండా ఆయుర్వేదం ప్రకారం.. ఈ విధంగా కలిపి తినడం విష ప్రభావానికి దారితీస్తుందని చెప్పబడింది.
టీ, కాఫీ
మాంసం తిన్న వెంటనే టీ లేదా కాఫీ తాగడం చాలా మందికి అలవాటు. కానీ ఈ డ్రింక్స్ లలో ఉండే టానిన్, కెఫైన్ లాంటి పదార్థాలు మాంసంలో ఉన్న ఐరన్ ను శరీరం గ్రహించకుండా అడ్డుకుంటాయి. దీని వలన పోషక లోపాలు ఏర్పడే అవకాశముంటుంది. కాబట్టి మాంసాహారానికి ముందు లేదా కనీసం 2 గంటల విరామం తర్వాత ఈ డ్రింక్స్ తీసుకోవడం మంచిది.
మితిమీరిన నూనె, ఉప్పు
మాంసాన్ని ఎక్కువ నూనె, ఉప్పుతో వండడం వల్ల జీర్ణ వ్యవస్థపై అధిక భారం పడుతుంది. ఇది అజీర్ణం, ఆమ్లత్వం, మలబద్ధకం లాంటి సమస్యలకు దారితీస్తుంది. సుగంధ ద్రవ్యాలు కూడా పరిమితంగా వాడటం ఉత్తమం.
విరామం అవసరం
మాంసాహారం తిన్న తర్వాత మిగిలిన ఆహార పదార్థాలు తినడానికి కనీసం 3 నుంచి 4 గంటల గ్యాప్ ఇవ్వడం మంచిది. అలాగే తగినంత నీరు తాగడం, నూనె తక్కువగా వాడటం ఆరోగ్యానికి మేలు చేస్తుంది.
మాంసాహారం తినేటప్పుడు లేదా తిన్న తరువాత కొన్ని ఆహారాలు మానుకోవడం వల్ల ఆరోగ్యానికి మేలు జరుగుతుంది. మీ శరీర పరిస్థితి ఎలా స్పందిస్తుందో గమనించి.. డాక్టర్ సలహాతో ఆహారపు అలవాట్లు సర్దుబాటు చేసుకోవడం ఉత్తమం.
