2025లో దక్కిన మొట్టమొదటి బ్లాక్ బస్టర్ ‘సంక్రాంతికి వస్తున్నాం’. జనవరి 14న థియేటర్లలోకి వచ్చిన ఈ సినిమా, అనుకోని విధంగా రూ.300 కోట్లకు పైగా వసూళ్లు సాధించి..
రీజినల్ ఇండస్ట్రీ హిట్ కొట్టింది. వెంకీ కెరీర్లోనే బిగ్గెస్ట్ బ్లాక్ బస్టర్గా నిలిచిన ‘సంక్రాంతికి వస్తున్నాం’ మూవీ, ‘గేమ్ ఛేంజర్’ ఇచ్చిన షాక్ నుంచి నిర్మాత దిల్ రాజుని బయటపడేసింది..
జనవరి 12న వచ్చిన ‘డాకు మహారాజ్’ మూవీ బ్రేక్ ఈవెన్కి చాలా దగ్గరగా వచ్చి, సెమీ హిట్గా నిలిచింది. ‘సంక్రాంతికి వస్తున్నాం’ మూవీ వల్ల ‘డాకు మహారాజ్’ మూవీకి భారీ దెబ్బ పడింది. అయితే ఈ ఏడాదిలో వచ్చిన బెస్ట్ మాస్ కమర్షియల్ ఎంటర్టైనర్గా అభిమానుల ఆదరణ దక్కించుకుంది ‘డాకు మహారాజ్’…
ఫిబ్రవరిలో వచ్చిన ‘తండేల్’ మూవీ, అక్కినేని నాగచైతన్యకు మంచి కమ్బ్యాక్ సక్సెస్ ఇచ్చింది. మార్చి 14న వచ్చిన ‘కోర్ట్’ మూవీ, భారీ లాభాలు తెచ్చి పెట్టింది. రూ.4 కోట్లతో తెరకెక్కిన ఈ మూవీ, ఏకంగా రూ.60 కోట్లు వసూలు చేసింది. మార్చి నెలాఖరులో వచ్చిన ‘మ్యాడ్ స్క్వైర్’ మూవీ కూడా దాదాపు రూ.70 కోట్లు రాబట్టి, లాభాలు తెచ్చిపెట్టింది..
నాని హిట్ ట్రాక్.. శ్రీ విష్ణు ‘సింగిల్’…
మే 1న విడుదలైన నాని ‘హిట్ 3’ మూవీ, రూ.110 కోట్ల గ్రాస్ వసూలు చేసింది. నాని హిట్ ట్రాక్ని కొనసాగించింది. ఆ తర్వాతి వారం శ్రీ విష్ణు హీరోగా నటించిన ‘సింగిల్’ మూవీ వచ్చింది. ఈ మూవీ రూ.40 కోట్లు రాబట్టి, శ్రీ విష్ణు కెరీర్లో బిగ్గెస్ట్ హిట్గా నిలిచింది.. సమంత నిర్మాణంలో వచ్చిన ‘శుభమ్’ మంచి లాభాలు తెచ్చి పెట్టింది..
జూన్ 20న వచ్చిన శేఖర్ కమ్ముల ‘కుబేరా’ మూవీ కూడా తెలుగులో మంచి లాభాలు తీసుకొచ్చింది… ఇక జూలైలో డైరెక్ట్ తెలుగు సినిమా ఏదీ కూడా కమర్షియల్ సక్సెస్ అందుకోలేకపోయింది. యానిమేషన్ మూవీగా వచ్చిన ‘మహావతార్ నరసింహా’ మూవీ, భారీ వసూళ్లు సాధించి, లాభాల పంట పండించింది..
‘లిటిల్ హార్ట్స్’ హ్యూజ్ సక్సెస్…
సెప్టెంబర్ 5న విడుదలైన ‘లిటిల్ హార్ట్స్’ భారీ సూపర్ హిట్గా నిలిచింది. రూ.2.4 కోట్లతో తెరకెక్కిన ఈ మూవీ, ఏకంగా రూ.40 కోట్లు వసూలు చేసింది. ఆ తర్వాతి వారంలో వచ్చిన ‘కిష్కింధపురి’, ‘మిరాయ్’ సినిమాలు కూడా మంచి విజయాలను అందుకున్నాయి. సెప్టెంబర్ ఆఖరి వారంలో వచ్చిన ‘ఓజీ’ మూవీ మంచి ఓపెనింగ్స్ సాధించింది. అయితే ఓవరాల్గా బ్రేక్ ఈవెన్ మాత్రం చేరుకోలేకపోయింది..
అక్టోబర్లో కిరణ్ అబ్బవరం ‘K-ramp’ మూవీకి మంచి లాభాలు వచ్చాయి. నవంబర్లో వచ్చిన ‘ది గర్ల్ఫ్రెండ్’, ‘ది గ్రేట్ ప్రీ వెడ్డింగ్ షో’ సినిమాలకు పాజిటివ్ రివ్యూలు, టాక్ వచ్చినా వసూళ్లు ఆ రేంజ్లో రాలేదు. నవంబర్ 21న వచ్చిన ‘రాజు వెడ్స్ రాంబాయి’ మూవీ, సూపర్ సక్సెస్ సాధించింది.
ఓవరాల్గా 2025లో డిసెంబర్ మూడో వారం వరకూ వచ్చిన సినిమాల్లో అన్ని ఏరియాల్లో లాభాలు తెచ్చిపెట్టిన తెలుగు మూవీ ‘సంక్రాంతికి వస్తున్నాం’. ఈ ఏడాది విక్టరీ వెంకటేష్, అసలైన బాక్సాఫీస్ విన్నర్గా నిలిచాడు. ఆఖరి వారంలో అరడజనుకి పైగా సినిమాలు వస్తున్నాయి. అయితే ఈ సినిమాలు మిడియం రేంజ్ బడ్జెట్ కావడంతో ఎంత బాగా ఆడినా, ‘సంక్రాంతికి వస్తున్నాం’ మూవీని, వెంకీని టచ్ చేయడం చాలా కష్టం..
