బరువు తగ్గడం అనేది ఆహారం, వ్యాయామం రెండింటి సమన్వయం. పొట్ట చుట్టూ ఉండే కొవ్వును తగ్గించాలంటే అదనపు ప్రయత్నం చేయాలి. తన ఇన్స్టాగ్రామ్ ఖాతాలో తరచూ తన వెయిట్ లాస్ ప్రయాణాన్ని పంచుకునే ఫెర్నాండా, ఈ మధ్య కాలంలో బెల్లీ ఫ్యాట్ తగ్గించేందుకు సహాయపడిన 5 ఉత్తమ వ్యాయామాలను తెలియజేసింది.
డంబెల్ రష్యన్ ట్విస్ట్ :
బెల్లీ ఫ్యాట్ను తగ్గించడానికి, కోర్, భుజాల బలాన్ని పెంచడానికి ఈ వ్యాయామం బాగా పని చేస్తుంది.
ఫెర్నాండా ఈ వ్యాయామాన్ని 25 రెపిటీషన్ల చొప్పున 3 సెట్లు చేసింది. కొత్తగా చేసేవారు తక్కువ రెపిటీషన్లతో మొదలు పెట్టవచ్చు.
లెగ్ రైజ్ :
పొట్ట చుట్టూ కొవ్వు తగ్గించడంలో, దిగువ ఉదర కండరాలను బలోపేతం చేయడంలో లెగ్ రైజెస్ బాగా ఉపయోగపడతాయి.
ఈ వ్యాయామాన్ని ఆమె 10 రెపిటీషన్ల చొప్పున 3 సెట్లు చేసింది.
ఆల్టర్నేటింగ్ లెగ్ రైజెస్ :
ఈ వ్యాయామం ఉదర కొవ్వును వదిలించుకోవడంలో దోహదపడుతుంది.
ఈ భంగిమను 40 సెకన్ల పాటు నిలిపి ఉంచి, 3 సెట్లు చేయాలి.
లెగ్ రైజ్ హోల్డ్ :
లెగ్ రైజ్ హోల్డ్ దిగువ ఉదర కండరాలను లక్ష్యం చేస్తుంది. ఇది కోర్ను టోన్ చేసి, బలోపేతం చేస్తుంది.
ఈ పొజిషన్ను 40 సెకన్ల పాటు నిలిపి ఉంచి, 3 సెట్లు పూర్తి చేయాలి.
డంబెల్ హాఫ్ క్రంచ్ :
ఏ రకమైన క్రంచ్ అయినా బరువు తగ్గించే దినచర్యకు మంచిది. బెల్లీ ఫ్యాట్ తగ్గించాలనుకునేవారు దీనిని తప్పక చేర్చాలి.
ఫెర్నాండా ఈ వ్యాయామాన్ని 25 రెపిటీషన్ల చొప్పున 3 సెట్లు చేసింది.
కేలరీ-లోటు ఆహారం కీలకం:
ఫెర్నాండా దాదాపు 45 కిలోల బరువు తగ్గడానికి ఈ వ్యాయామాలతో పాటు కేలరీ-లోటు (Calorie-Deficit) ఆహారం తీసుకుంది. ఒక వ్యక్తి తన శరీరానికి అవసరమైన కేలరీల కంటే తక్కువ కేలరీలు తినడాన్ని కేలరీ-లోటు ఆహారం అంటారు. ఉదాహరణకు, రోజుకు 2,000 కేలరీలు అవసరం అనుకుంటే, 1,500 కేలరీలు తీసుకుంటే, 500 కేలరీల లోటు ఏర్పడుతుంది. ఆ లోటును భర్తీ చేయడానికి శరీరం నిల్వ ఉన్న కొవ్వును కరిగిస్తుంది.
ఈ వ్యాయామాలు, ఆహారం ఫెర్నాండాకు అద్భుతమైన ఫలితాలు ఇచ్చాయి. అయితే, సరైన భంగిమలో వ్యాయామం చేయాలి, ఆహార నియమాలు సరిగా పాటించాలి. దినచర్యలో మార్పులు చేసే ముందు నిపుణులను సంప్రదించడం మంచిది.
గమనిక: ఈ వ్యాయామాలు, ఆహార నియమాలు వ్యక్తిగత అనుభవం ఆధారంగా రూపొందించినవి. మీ శరీర స్థితి, ఆరోగ్య చరిత్ర ఆధారంగా వీటిని పాటించే ముందు వైద్యులు లేదా ధృవీకరణ పొందిన ఫిట్నెస్ నిపుణుడిని సంప్రదించాలి.
