Karela Juice Benefits: డయాబెటీస్‌తో బాధపడేవారు చాలామంది మన దేశంలో ఉన్నారు. దీనికి ఆరోగ్యకరమైన జీవనశైలి అనుసరించాల్సి ఉంటుంది. అయితే, ఉదయం లేచినప్పటి నుంచి రాత్రి పడుకునే వరకు వారు తీసుకునే ఆహారం ఆరోగ్యంపై తీవ్ర ప్రభావం చూపుతుంది.
ఉదయం ఏ జ్యూస్‌ తాగితే రక్తంలో చక్కెర స్థాయిలు పెరగకుండా ఉంటాయి.
ఉదయం పరగడుపున కాకరకాయ జ్యూస్‌ తీసుకోవడం వల్ల అనేక ఆరోగ్య ప్రయోజనాలు ఉంటాయి. ఇందులో విటమిన్ ఏ, బీ, సీ ఉంటాయి. ఇది షుగర్‌ లెవల్స్‌ పెరగకుండా కాపాడతాయి. గ్యాస్‌, మలబద్ధకం సమస్యకు చెక్‌ పెట్టి మంచి జీర్ణక్రియకు తోడ్పడుతుంది. కాకరకాయ జ్యూస్‌ మంచి డిటాక్సిఫైయింగ్‌ డ్రింక్‌ మాదిరి పనిచేస్తుంది. ఇది చర్మ ఆరోగ్యానికి కూడా మేలు చేస్తుంది. కాకరకాయ జ్యూస్‌ రెగ్యులర్‌గా తీసుకోవడం వల్ల మీకు మంచి రిఫ్రెష్మెంట్‌ అందుతుంది. కాకరకాయ జ్యూస్‌ తీసుకోవడం వల్ల మనకు అనేక ఆరోగ్య ప్రయోజనాలు కలుగుతాయి.
డయాబెటీస్‌ కంట్రోల్‌..
కాకరకాయ జ్యూస్‌ గ్లూకోజ్‌, మెటబాలిజం రేటును నియంత్రిస్తుంది. ఇది గ్లూకోజ్‌ గ్రహించడాన్ని నివారిస్తుంది. అంతేకాదు ఇది ప్యాంక్రియాటిక్‌ సెల్‌కు షీల్డ్‌లా కాపాడుతుంది. కాకరకాయ జ్యూస్‌ శరీరంలో మంటను కూడా తగ్గిస్తుందని ఎన్ఐహెచ్ నివేదిక తెలిపింది.
వెయిట్‌ లాస్‌..
కాకరకాయ జ్యూస్‌లో యాంటీ ఒబేసిటీ గుణాలు ఉంటాయి. ఇది ఫ్యాట్‌ నిల్వను తగ్గించేస్తుంది. గ్లూకోజ్‌, మెటబాలిజం రేటును తగ్గిస్తుంది. కాకరకాయ జ్యూస్‌ ఉదయం పరగడుపున తీసుకోవడం వల్ల బరువు పెరగకుండా ఉంటారు. ముఖ్యంగా డయాబెటీస్‌ తో బాధపడేవారు కూడా కాకరకాయ జ్యూస్‌ డైట్లో చేర్చుకోవాలి.
కాలేయ ఆరోగ్యం..
కాకరకాయ జ్యూస్‌ తీసుకుంటే ఇందులోని యాంటీ ఆక్సిడెంట్‌ వ్యవస్థ శరీరంలో మంట సమస్యను సమర్థవంతంగా తగ్గిస్తుంది. ఆక్సిడేటివ్‌ డ్యామేజ్‌ కాకుండా లివర్‌ను ఓ షీల్డ్‌లా కాపాడుతుంది అని ఎన్ఐహెచ్ నివేదిక తెలిపింది.
మలబద్ధకానికి చెక్‌..
కాకరకాయ రసం హెమరైయిడ్‌ సమస్యతో బాధడేవారికి ఎఫెక్టీవ్‌ రెమిడీ. ఇది ఆరోగ్యకరమైన పేగు కదలికలకు సహాయడుతుంది. ముఖ్యంగా కాకరకాయ రసం జీర్ణ రసాలను పెంచుతాయి. దీంతో మలబద్ధక సమస్య మీ దరిచేరదు.
చర్మ ఆరోగ్యం..
కాకరకాయ రసంలో యాంటీ ఇన్ల్ఫమేటరీ గుణాలు ఉంటాయి. ఇది శరీర మంట నొప్పులను మాత్రమేకాదు గాయాలు, ఎగ్జీమా, ర్యాష్‌, లెప్రసీ, సోరియాసిస్‌ను కూడా తగ్గిస్తుంది. కాకరకాయను ఉదయం ఖాళీ కడుపన తీసుకోవడం వల్ల చర్మ ఆరోగ్యానికి సహాయపడుతుంది.
క్యాన్సర్‌కు వ్యతిరేకం..
ముఖ్యంగా కాకరకాయ రసంలో యాంటీ కేన్సర్‌ గుణాలు ఉంటాయి. అంతేకాదు కొలన్‌ కేన్సర్‌తో బాధపడేవారికి కాకరకాయ రసం ఎఫెక్టీవ్‌ రెమిడీ. అయితే, కాకరకాయ గింజలతో తయారు చేసిన నూనెలో యాక్టీవ్‌ ఫ్యాటీ యాసిడ్స్ ఉంటాయి. ఇవి కేన్సర్‌ సెల్స్‌ను నివారిస్తాయని ఎన్ఐహెచ్ నివేదిక తెలిపింది.
