నేరాలు రోజురోజుకూ పెరిగిపోతున్నాయి. నేరస్థులు నేరాలు చేయడంలో రోజుకో పంథాను అనుసరిస్తున్నారు. కొందరు అత్యంత తెవివిగా ఆలోచిస్తూ నేరాలు చేయడం చూసిననప్పుడు ఆశ్చర్యం కలుగుతుంటుంది.
ఇలాంటి చిత్రవిచిత్ర నేరాలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. తాజాగా, ఇలాంటి వీడియో ఒకటి నెట్టింట చక్కర్లు కొడుతోంది. కారులో వెళ్తున్న ఓ వ్యక్తి.. రోడ్డు పక్కన ప్రమాదానికి గురైన బైకర్‌ను చూసి వాహనం ఆపాడు. వారి వద్దకు వెళ్లి పరిశీలిస్తుండగా.. చివరకు షాకింగ్ ఘటన చోటు చేసుకుంది. ఈ వీడియో చూసిన నెటిజన్లు వివిధ రకాలుగా స్పందిస్తున్నారు.
సోషల్ మీడియాలో ఓ వీడియో (Viral Video) తెగ వైరల్ అవుతోంది. ఓ వ్యక్తి కారులో వెళ్తుండగా.. రోడ్డు పక్కన ఇద్దరు యువకులు బైకు ప్రమాదానికి (Bike accident) గురై ఉండడాన్ని గమనిస్తాడు. వెంటనే కారును ఆపి వారి వద్దకు వెళ్తాడు. ముందుగా వారిలో ఓ వ్యక్తి వద్దకు వెళ్లి పైకి లేపాలని చూస్తాడు. అయితే అతను దూరంగా పడి ఉన్న మరో వ్యక్తిని కాపాడాలని కోరతాడు. దీంతో కారు యజమాని.. దూరంగా పడి ఉన్న యువకుడి వద్దకు వెళ్తాడు.
అతన్ని పట్టుకుని పైకి లేపాలని చూస్తుండగా.. ఇంకో వ్యక్తి సడన్‌గా పైకి లేచి కారు (Car theft) తీసుకుని అక్కడి నుంచి పారిపోతాడు. తన కారును తీసుకెళ్లడాన్ని చూసి షాకైన యజమాని.. దాని వెనుకే పరుగెత్తుకుంటూ వెళ్తాడు. ఇంతలో ఆ రెండో వ్యక్తి కూడా బైకు తీసుకుని అక్కడి నుంచి వెళ్లిపోతాడు. ఇలా ప్రమాదం జరిగినట్లు నటించి, కారు యజమానిని మోసం చేసిన యువకుల వీడియో వైరల్ అవుతోంది.
