సౌదీ అరేబియాలోని మదీనాలో జరిగిన బస్సు ప్రమాదంలో నలభై రెండు మంది భారతీయులు మరణించారు. జెడ్డాలోని ఇండియన్ మిషన్ తెలిపిన వివరాల ప్రకారం, బస్సు ఉమ్రా యాత్రలో భారతీయ యాత్రికులను తీసుకువెళుతోంది.
ప్రమాదంలో నలభై రెండు మంది ప్రాణాలు కోల్పోయారు. ఒకరు మాత్రమే ప్రాణాలతో బయటపడ్డారు. వారిలో హైదరాబాద్ కు చెందిన వారే అధికంగా 39 మంది ఉన్నట్లు గుర్తించారు. అందులో 20 మంది మహిళలు, 10 మంది చిన్నారులతో 42 మంది సజీవదహనం అయ్యారని తెలుస్తోంది.
ఇదిలావుంటే, హజ్-ఉమ్రాకు సంబంధించి సౌదీ అరేబియా నియమాలు చాలా స్పష్టంగా ఉన్నాయి. ఈ నిబంధనల ప్రకారం, మక్కా, మదీనా లేదా సౌదీ అరేబియాలో మరెక్కడైనా తీర్థయాత్ర సమయంలో ఒక యాత్రికుడు మరణిస్తే, వారి మృతదేహాన్ని వారి దేశానికి తిరిగి అప్పగించడానికి అనుమతి లేదు. ఈ వ్యవస్థ సంవత్సరాలుగా అమలులో ఉంది. ప్రతి యాత్రికుడికి ప్రయాణం ప్రారంభించే ముందు దాని గురించి తెలియజేయడం జరుగుతుంది.
సౌదీ హజ్ చట్టం ప్రకారం హజ్ – ఉమ్రా మతపరమైన తీర్థయాత్రలు, బీమా ఆధారిత ప్రభుత్వ సేవలు కావు. అందువల్ల, తీర్థయాత్ర సమయంలో మరణానికి సౌదీ ప్రభుత్వం ఎటువంటి పరిహారం అందించదు. అయితే, ఒక వ్యక్తికి భారతదేశంలో ప్రైవేట్ బీమా ఉంటే, వారి పాలసీ అటువంటి కేసులను కవర్ చేస్తే, సహాయం అందుబాటులో ఉండవచ్చు. కానీ ఈ ప్రక్రియ సౌదీ ప్రభుత్వం ద్వారా కాదు. ఇది ప్రయాణీకుల దేశీయ బీమా సంస్థ ద్వారా జరుగుతుంది.
ముందుగానే హజ్ – ఉమ్రా యాత్రికులు అధికారిక ఫారమ్పై సంతకం చేయాలి. తీర్థయాత్ర సమయంలో మక్కా, మదీనాలో, సౌదీ రోడ్డుపై లేదా విమానంలో మరణం సంభవిస్తే, మరణించిన వ్యక్తిని సౌదీ అరేబియాలో దహనం చేస్తామని ఈ ఫారమ్ స్పష్టంగా పేర్కొని ఉంటుంది. కుటుంబం తరువాత అభ్యంతరం వ్యక్తం చేసినప్పటికీ, యాత్రికుడు ఇప్పటికే అనుమతి ఇచ్చినందున, మృతదేహాన్ని స్వదేశానికి తీసుకురావడం చట్టబద్ధంగా సాధ్యం కాదు.
