బంగారం ధర ప్రతిరోజు భారీగా పెరుగుతుంది ఇప్పటికే బంగారం ధర రికార్డులు దాటుకుంటూ ప్రతిరోజు సరికొత్త ఆల్ టైం రికార్డును సృష్టిస్తోంది. చరిత్రలో ఎన్నడూ లేని విధంగా బంగారం ధర లక్ష రూపాయలు దాటి ముందుకు వెళ్ళింది.
ఈ నేపథ్యంలో పసిడి ఆభరణాలు కొనుగోలు చేసే వారికి ఈ పరిస్థితి చాలా ఇబ్బంది కరం అని చెప్పవచ్చు. బంగారం ధర గడచిన 20 సంవత్సరాలలో పోల్చి చూస్తే బంగారం ధర దాదాపు 20 ఎట్లు పెరిగినట్లు గమనించవచ్చు. అలాగే గడచిన ఐదు సంవత్సరాలలో బంగారం ధర దాదాపు రెట్టింపు అయింది. బంగారం ధరలు భారీగా పెరగడానికి అంతర్జాతీయంగా నెలకొన్నటువంటి పరిస్థితులే కారణం అని చెప్పవచ్చు. ముఖ్యంగా భౌగోళిక, రాజకీయ, ఆర్థిక కారణాలు ఎక్కువగా బంగారం ధరలు పెరగడానికి దోహదపడుతున్నాయి అని చెప్పవచ్చు. ప్రధానంగా బంగారం సురక్షితమైన పెట్టుబడిగా అన్ని దేశాలు భావించడంతో ఇన్వెస్టర్లు పెద్ద ఎత్తున ఇందులో పెట్టుబడి పెడుతున్నారు. దీనికి తోడు చైనా లాంటి దేశాలు తమ సెంట్రల్ బ్యాంక్ ద్వారా బంగారం విపరీతంగా కొనుగోలు చేస్తున్నాయి. ఫలితంగా బంగారం ధరలు భారీగా పెరుగుతున్నాయి. ఈ నేపథ్యంలో ప్రపంచవ్యాప్తంగా చూసినట్లయితే ఎక్కడ బంగారం ధర తక్కువ ఉందా అని పసిడి ప్రియులు వెతుకుతున్నారు. అయితే భారతదేశముతో పోల్చి చూస్తే అమెరికాలో బంగారం ధర తక్కువగా ఉంది అని చెప్పవచ్చు.
భారత్ కన్నా అమెరికాలో తులం బంగారం రూ. 10,000 తక్కువ:
ప్రస్తుతం అమెరికాలో ఒక ఔన్స్ బంగారం ధర 3,345 డాలర్లుగా ఉంది. ఈ లెక్కన చూసినట్లయితే, అమెరికాలో ప్రస్తుతం 24 క్యారట్ల 10 గ్రాముల బంగారం ధర రూ. 91,694గా ఉంది. అంటే మన దేశంతో పోల్చి చూస్తే దాదాపు 10,000 రూపాయలు తక్కువగా ఉంది అని చెప్పవచ్చు. భారత్లో బంగారం అనేది ఎక్కువగా విదేశాల నుంచి దిగుమతి అవుతుంది. అదే సమయంలో అమెరికాలో బంగారం ఉత్పత్తి అదే దేశంలో మైనింగ్ ద్వారా సేకరిస్తారు. అందువల్ల అమెరికాలో బంగారం ధరలు తక్కువగా ఉంటాయి దీనికి తోడు స్థానికంగా పనులు కూడా బంగారంపై తక్కువగా ఉంటాయి ఈ కారణంగా బంగారం ధరలు భారతదేశంలో పోసి చూస్తే తక్కువగా ఉంటుందని చెప్పవచ్చు. బంగారం ధర అమెరికాలో 10 గ్రాముల పై పదివేల రూపాయల వరకు తక్కువగా ఉండే అవకాశం ఉంటుంది.
అమెరికా నుంచి ఎంత బంగారం తెచ్చుకోవచ్చు..
అమెరికా నుంచి మన దేశానికి బంగారం తెచ్చుకోవాలి అనుకున్నట్లయితే మహిళలకు అయితే 40 గ్రాములు వరకు తెచ్చుకునే అవకాశం ఉంది. పురుషులు అయితే 20 గ్రాముల వరకు బంగారం తెచ్చుకోవచ్చు. అలాగే పిల్లల పేరిట కూడా ఇంతే మొత్తంలో బంగారం తెచ్చుకోవాల్సి ఉంటుంది. ఉదాహరణకు మగ పిల్లవాడు అయితే 20 గ్రాముల బంగారం, అలాగే ఆడపిల్ల అయితే 40 గ్రాముల బంగారం తెచ్చుకోవచ్చు. ఈ లెక్కన ఒక జంట 60 గ్రాముల వరకు బంగారం ఆభరణాలను తెచ్చుకోవచ్చు. బంగారం బిస్కెట్ల రూపంలో కానీ ఇతర రూపాల్లో గాని తెచ్చుకున్నట్లైతే కస్టమ్స్ డ్యూటీ చెల్లించాల్సి ఉంటుంది. ఒకవేళ మీరు అదనంగా బంగారం తెచ్చుకున్నట్లు అయితే కస్టమ్స్ డ్యూటీ చెల్లించి తెచ్చుకోవచ్చు. ఉచితంగా తెచ్చుకోవాలంటే మాత్రం పరిమితికి లోబడే తెచ్చుకోవాల్సి ఉంటుంది.
