పెరుగు, మజ్జిగ రెండూ మన ఆహారంలో సాంప్రదాయ భాగాలు. ఈ రెండూ ఆరోగ్యానికి మంచివని మనకు ముందు నుంచి తెలుసు. అయితే వీటిలో ఏది ఎక్కువ ప్రయోజనకరం అని మీరు తప్పక తెలుసుకోవాల్సి ఉంది.? పెరుగు, మజ్జిగ పోషక అంశాలు, ప్రయోజనాలను తెలుసుకోవాలి. అప్పుడే మీరు మీ ఆహారం ప్రకారం ఎది అవసరమో ఎంచుకోవచ్చు. పూర్తి వివరాల్లోకి వెళితే..
కేలరీలు: పెరుగు కంటే మజ్జిగలో కేలరీలు చాలా తక్కువ. 100 గ్రాముల పెరుగులో దాదాపు 98 కేలరీలు, 100 గ్రాముల మజ్జిగలో 40 కేలరీలు ఉంటాయి. అందువల్ల, మీరు బరువు తగ్గాలని ప్రయత్నిస్తున్నట్లయితే, మజ్జిగ ఉత్తమ ఎంపిక.
బ్యాక్టీరియా, ప్రోటీన్: మజ్జిగ కంటే పెరుగులో ఎక్కువ ప్రొటీన్లు ఉంటాయి. ప్రోటీన్ కండరాలను నిర్మించడానికి, రిపేర్ చేయడానికి సహాయపడుతుంది. పెరుగులో ఉండే బ్యాక్టీరియా పేగులకు చాలా మేలు చేస్తుంది. ఇవి జీర్ణవ్యవస్థను ఆరోగ్యంగా ఉంచి, రోగనిరోధక శక్తిని పెంచుతాయి.
కాల్షియం, విటమిన్లు: పెరుగు, మజ్జిగ రెండూ కాల్షియం మంచి మూలం. అనేక ముఖ్యమైన విటమిన్లు కలిగి ఉన్నాయి. పెరుగులో కాల్షియం, ఫాస్పరస్, విటమిన్ B12, B5, B2 మరియు పొటాషియం పుష్కలంగా ఉన్నాయి. అయితే మజ్జిగలో విటమిన్ B12, జింక్, రైబోఫ్లేవిన్, ప్రోటీన్లు సాపేక్షంగా అధిక మొత్తంలో ఉంటాయి.
జీర్ణ సమస్య: మీకు అజీర్ణం సమస్య ఉంటే, పెరుగు తినడం మంచిది. పెరుగులో ఉండే బ్యాక్టీరియా జీర్ణక్రియను ఆరోగ్యంగా ఉంచుతుంది.
బరువు తగ్గడం: తక్కువ కేలరీల మజ్జిగ బరువు తగ్గించడంలో సహాయపడుతుంది. మండే వేసవిలో మజ్జిగ చల్లగా తాగితే ఎండల నుంచి ఉపశమనం కలిగిస్తూ శరీరాన్ని చల్లబరుస్తుంది.
