పరగడుపున వాటర్‌ తాగితే ఆరోగ్యానికి మంచిదని తెలుసు.. దీన్ని ఇంకా మంచిగా చేయాలని కొందరు రాగిచెంబులో రాత్రంతా ఉంచిన నీళ్లు తాగుతారు. కానీ మీకు సిల్వర్ ఛార్జ్డ్ నీళ్ల గురించి తెలుసా..? ఇదేంటి ఫోన్ ఛార్జర్‌లా ఉంది అనుకుంటున్నారా..? ఇప్పుడు చాలా మంది ఈ నీళ్లు తాగుతున్నారు. వీటి వల్ల కలిగే ఆరోగ్య ప్రయోజనాలు, అసలు ఇవి ఎలా చేయాలో చూద్దాం.
సిల్వర్ ఛార్జ్డ్ నీళ్లంటే ఏంటి
ఓ వెండి గ్లాసును గాని జగ్గును గాని తీసుకోండి. దాన్ని చక్కగా శుభ్రం చేసి రాత్రి పూట అందులో మంచి నీటిని నింపి మూత పెట్టండి. వెండి లోహానికి ఉన్న ఔషధ గుణాలు అన్నింటితో ఇప్పుడు ఆ నీరు ఛార్జ్‌ అయి ఉంటుంది. దీన్నే సిల్వర్ ఛార్జ్డ్ వాటర్‌ అంటారు. ఉదయాన్నే పరగడుపున ముందుగా ఈ నీటిని తాగండి. అలాగే రోజంతా ఆ గ్లాసుతోనే నీటిని తాగేందుకు ప్రయత్నించండి. దీని వల్ల అనేక ఆరోగ్య ప్రయోజనాలు ఉన్నాయి.
వెండి నీటితో ప్రయోజనాలు:
ఇలా సిల్వర్ ఛార్జ్డ్ నీటిని తాగడం వల్ల రోగ నిరోధక వ్యవస్థ బలోపేతం అవుతుంది. శరీరం దృఢంగా మారుతుది. వ్యాధులు తొందరగా దరి చేరకుండా ఉంటాయి.
రాగిలానే వెండికి కూడా కార్సినియోజెనిక్‌ లక్షణాలు ఉన్నాయి. ఇవి శరీరంలో క్షార గుణాన్ని మెరుగుపరుస్తాయి. క్యాన్సర్‌ కణాలు సాధారణంగా ఆమ్ల లక్షణాలు ఎక్కువగా ఉన్న వారిలో వృద్ధి చెందేందుకు ఆస్కారం ఉంటుంది. కానీ ఈ నీరు తాగే వారికి క్యాన్సర్లు రాకుండా ఉంటాయి.
వృద్ధాప్య లక్షణాలు తొందరగా దరి చేరకుండా ఉంటాయి. ఎందుకంటే ఈ నీళ్లు తాగడం వల్ల ఎప్పుడూ మనలో కొత్త కణాల ఉత్పత్తిని ప్రోత్సహిస్తూ ఉంటాయి. అందువల్ల చర్మం దీర్ఘ కాలం పాటు మెరుస్తూ యవ్వనంగా ఉంటుంది.
గర్భం ధరించిన స్త్రీలు ఇలా నీటిని తాగడం వల్ల ఇన్‌ఫెక్షన్ల లాంటివి తొందరగా దరి చేరకుండా ఉంటాయి కావాలనుకుంటే వీరు వెండి గిన్నెలో నీటిని మరిగించి కూడా తాగొచ్చు. దీని వల్ల ఇంకా ఎక్కువ ప్రయోజనాలు ఉంటాయి.
వెండి గ్లాసులో నీటిని తాగడం వల్ల శరీరం చల్లబడుతుంది.
ఈ నీళ్లు తాదడం వల్ల జీర్ణ శక్తి మెరుగవుతుంది. తిన్నది సక్రమంగా అరుగుతుంది. దీని వల్ల మొత్తం ఆరోగ్యం కుదురుకుంటుంది.
ఈ నీటిని తాగడం వల్ల శరీరంలో పేరుకుపోయిన కొవ్వులు తేలికగా కరుగుతాయి. బరువు తగ్గాలనుకునే వారికి ఈ నీళ్లు మంచి ఎంపిక
