ఎన్నికల విధులకు నియమితులైన అధికారులు, సిబ్బంది రెమ్యూనరేషన్‌ ఖరారు చేస్తూ జిల్లా ఎన్నికల అధికారైన జిల్లా కలెక్టర్ దినే్‌షకుమార్‌ ఉత్తర్వులు జారీ చేశారు.
పోలింగ్‌ కేంద్రంలో ప్రిసైడింగ్‌ ఆఫీసర్‌, అసిస్టెంట్‌ ప్రిసైడింగ్‌ ఆఫీసర్లకు రోజుకు రూ.350 చొప్పున ఆరు రోజులకు రూ.2100 చెల్లిస్తారు. పోలింగ్‌ ఆఫీసర్లు 1, 2, 3, 4కు రోజుకు రూ.250 చొప్పున మూడు రోజులకు ఒక్కొక్కరికి రూ.750 చెల్లిస్తారు. మైక్రో అబ్జర్వర్‌కు ఏకమొత్తంగా వెయ్యిరూపాయలు చెల్లిస్తారు. సిబ్బంది, అధికారులకు భోజనం, అల్పాహారం సంబంధిత నియోజకవర్గ రిటర్నింగ్‌ అధికారులు ఏర్పాటు చేస్తారని ఆ ఉత్తర్వుల్లో పేర్కొన్నారు. ఎన్నికల సిబ్బంది పారితోషికం లంచ్‌ ప్యాక్‌కు సంబంధించి విధులను సంబంధిత రిటర్నింగ్‌ అధికారులకు జమ చేసినట్లు కలెక్టర్ తెలిపారు. పోస్టల్‌ బ్యాలెట్‌ విధులకు హాజరైన వారికి కూడా పైన పేర్కొన్న రేట్ల ప్రకారం పారితోషికం చెల్లిస్తారు. పోలింగ్‌ కేంద్రాల్లో విధులు నిర్వర్తించిన వారికి సంబంధిత సెక్టోరల్‌ అధికారుల ద్వారా చెల్లిస్తామని ఆ ఉత్తర్వుల్లో పేర్కొన్నారు.
